“Eurovision” yarışmasındakı yarımfinal həyəcanı “Twitter” sosial şəbəkəsində də hiss olundu.

İstifadəçilərin milliyətindən və dilindən asılı olmayaraq, hər kəs yarışma haqda müxtəlif fikirlər yazırdı.

Kulis.az “Twitter Trend” layihəsində bu gün Azərbaycan, Türkiyə, Yüksel Sadakat açar sözlərinin keçdiyi ən maraqlı qeydləri təqdim edir.

Bu qeydlər müxtəlif dillərdə olduğuna görə, hər bir tvitin qarşısında hansı ölkə və ya ölkələr qrupuna aid olduğunu bildimişik.


* Azərbaycan hər il maraqlı, əyləncəli, gözəl nəsə tapmağa çalışır. Bunu yaxşı bacarırlar. (Avropa)

* Azərilər hər il yarıçılpaq qızlarla çıxmağa adət ediblər deyəsən. (Türkiyə)

* İTV-in aparıcılarına demək lazımdır ki, arxa fonda mahnılar səslənən zaman danışmasınlar! (Azərbaycan)

* Yağışdan başqa maraqlı bir şey görmədim. Elə bil, bizə “gecəniz xeyrə” oxuyurdular. (Avropa)

* Burdakılar Azərbaycan qadınlarıdırsa, bəs AzTV-dəki qadınlar kimdi? 80-ci illərdən qaçmış halda olanları deyirəm (Türkiyə)

* Azərbaycan mahnısını xüsusilə azəri kanalından izlədim. Aparıcı “indi çox qürurluyuq, rahatıq” dedi. Milli dava deyil, dostlar, çox şişirdirsiz. (Türkiyə)

* Görəsən, Elli ilə Nikki neçə çemodan “Azərbaycan həqiqətləri” aparmışdı Avropaya? (Azərbaycan)

* İndi Azərbaycan 12 balı kimə verəcək? (Türkiyə)

* Türkiyə ilə Ermənistanın keçməməsi yaxşı oldu. Bu il millətçi donubaşakeçirmələr, üzcırmalar, isterikalar olmayacaq. (Azərbaycan)

* Neçə aydır özümüzü öldürürük ki, Azərbaycanı Twitterdə top-trend edək, alınmır. İndi “manıs” yarışmasına görə Azərbaycan top-trend olub Avropada. (Azərbaycan)

Türkiyə və “Yüksəl Sadakat” trendləri

Qalatasaray pis oynayanda milli heyət də pis oynayır; Qalatasaray çox pis oynayanda isə heç Eurovisionun finalına da keçə bilmirik...

Bizə səs göndərməyən ölkələrin seks videoları artıq əlimizdədir.

Demək bizi çıxardınız yarışmadan? O halda: "KURTLAR VADİSİ EUROVİSİON"

Bizə Eurovisionu qazandıracaq "Yüksek Sadakat" deyil, Türkiyəni düzəldəcək sədaqəti yüksək bir baş nazir lazımdır.

“Yüksəl Sadakat” “Ölüm qrupunda idik” bəhanəsini desə, bəlkə inanarıq.

Eurovisiondakı uğursuzluqdan sonra “Yüksəl Sadakat”dan ancaq bir mahnı istəyirəm: Haydi gəl içelim, dərdini al da gəl...(Y.S. qrupunun mahnısı – kulis.az.)

Üstlərindən bir quş keçməyini istəyən “Yüksək Sadakat”ın üstündən Eurivision keçdi.

Eurovisiondan çıxarılmış Yüksəl Sadakat qrupu kimiyəm...

Almaniyadakı türklər “tvitləmək”dən vaxt tapıb Türkiyəyə səs göndərə bilməyib.


Günel ƏSGƏRZADƏ

• Prezident təqaüdü və fəxri ad alanların müavinəti artırıldı
• Fatih Altaylı həbs edildi
• Azərbaycanlılara qarşı qəbuledilməz zorakılıq!