Fərqanə Qasımova İspaniyada konsert verib

Sənət

Ana səhifə
Sənət

Fərqanə Qasımova İspaniyada konsert verib - Eksküziv

26 aprel 2011

15:30

İspaniyanın San-Tyaqo şəhərində “Ruhi musiqi” adlı festival keçirilib.

Kulis.az-ın məlumatına görə festivalda dünyanın bir çox ölkələrindən musiqi qrupları, yaxud ifaçılar iştirak ediblər. O cümlədən İrandan, Özbəkistandan, Almaniyadan, İngiltərədən olan ifaçılar da səhnə alıb.

Azərbaycanı həmin festivalda muğam ifaçısı Fərqanə Qasımova təmsil edib. Xanəndə saat yarımlıq konsert proqramı ilə solo çıxış edib. Azərbaycanın “Mahur”u, “Çahargah”ı, “Bayatı-Şiraz” təsnifi tamaşaçılarda çox böyük maraq yaradıb. Yerdə oturaraq çıxış edən xanəndəni tamaşaçılar ayaq üstə alqışlayıblar.

Fərqanə Qasımovanın növbəti səfəri Berlinədir. Xanəndə orda bir həftəlik qastrol çərçivəsində müxtəlif, böyük mədəniyyət ocaqlarında konsertlər verəcək.

Ramilə Qurbanlı