iPhone 5 görüntüləri sızdırıldı

Sənət

Ana səhifə
Sənət

iPhone 5 görüntüləri sızdırıldı

26 aprel 2011

13:07

Tanınmış texnobloq “Engadget”-in eks baş redaktoru Coşua Topolski iPhone 5-in görüşündən yazıb. O, özünün “This is my next” adlı bloqunda iPhone 5-in təxmini görünüş rəsmini yerləşdirib.

Məlumata görə, yeni iPhone köhnə iPhone 4-dən daha qalındır. Telefonun əsasən arxasında aşağıdan yuxarıya doğru qalınlaşma olacaq.

Topolskinin etibarlı mənbəsinin dediyinə görə, yeni model iPhone 4-dən çox “iPod touch”-a bənzəyəcək.

Ekranın diaqonalı hər düyma 312 piksel olmaqla 3,7 düym olacaq. Qeyd edək ki, iPhone 4-də bu göstərici hər düyma 326 piksel olmaqla 3,5 düym (89 mm) idi.

Yeni telefon da Retina texnologiyası əsasında düzəldiləcək.
“Əsas menyu” düyməsi bir azca böyüdüləcək. Düymənin ətrafı sensor olub, istifadəçinin barmaqlarının “sözünə baxacaq”.
GSM və CDMA setlərinin dəstəyi ilə smartfon Qualcomm çipsetindən istifadə edəcək.
Topolski telefonun 2011-ci ilin payız aylarında çıxacağını güman etsə də, bəzi mənbələr Yaponiyadakı tsunami ilə bağlı Apple şirkətində material qıtlığı çəkdiyini və iPhone 5-in gələn ilə hazır olacağını iddia edir.
Günel Əsgərzadə