Coco Chanel alman casusu imiş

Sənət

Ana səhifə
Sənət

Coco Chanel alman casusu imiş

17 avqust 2011

11:41

Amerikan jurnalist Hol Voan (Hal Vaughan) məşhur dizayner Koko Şanelin (Coco Chanel) həyatından bəhs edən yeni kitabını dərc edib.
“Düşmənlə yatmaq: Koko Şanelin gizli mübarizəsi” adlı kitabda fransız modelyerin II Dünya Müharibəsində almanlara casusluq etməsi iddiaları yer alıb.

Bundan başqa, kitabda “Time” jurnalı tərəfindən “Yüz ilin ən vacib 100 insanı” arasında yer alan Koko Şanelin yəhudilərdən və komunizmdən nifrət etdiyi, alman xarici siyasətinə və Hitlerə dərin pərəstişindən yazılıb.

Ləqəbi “Westminster” olan Şanel nasistlərin Paris işğalı dövründə bir çox alman zabiti ilə münasibət yaşadığı məlumdur. 1939-cu ildə II Dünya Müharibəsi başlayanda “Moda aləminin filosofu” adlandırılan Şanelin moda evləri, butikləri bağlanıb, adı siyasi qalmaqallarda hallanmağa başlayıb. Hətta 1944-cü ildə həbs də olunub. Həbsdən isə onu Uinston Çerçil çıxara bilib, bir şərtlə ki, Şanel Fransanı bir müddətlik tərk etməlidir.

Uzun müddət İsveçrədə yaşayıb, yenidən sevimli işi və vətəninə qayıdan “Madmuazel” 88 yaşında vəfat edib.

Günel ƏSGƏRZADƏ