Muzeydə şüar

Sənət

Ana səhifə
Sənət

Muzeydə şüar

12 aprel 2011

13:25

İngiltərənin müasir incəsənət muzeyi Teytdə maraqlı hadisə baş verib. Hər zaman qəribə sərgilərlə gündəmdə olan muzey indi divarı ilə diqqətləri üzərinə çəkib.

Kulis.az-ın Reuters-ə istinad edərək veridiyi xəbərə görə, muzey rəhbərliyi “Ai Veiveini azad edin!” şüarını muzeyin divarlarına həkk etdirib. Muzey rəhbərliyi çinli sənətçi Ai Veiveini dəstədiklərini və qanunsuz həbsinə qarşı olduqlarını bu cür ifadə ediblər.

Qeyd edək ki, müxalif fikirləri ilə tanınan sənətçi aprel ayının əvvəllərində həbs olunub. Pekin Hava limanında saxlanıldıqdan sonra ondan xəbər almaq mümkün olmayıb. Bir neçə gün əvvəl isə onun “şübhəli iqtisadi cinayətlər” müddəası ilə həbs olunduğu bildirilib. Bu hadisə ilə bağlı Almaniya, Fransa, Avstraliya və digər ölkələrin baş nazirləri Çin hökümətinə müraciət edib. Onlar sənətçinin dərhal azadlığa buraxılmasını tələb ediblər.