Elşən Rüstəmov Mirzə Fətəli olacaq

Sənət

Ana səhifə
Sənət

Elşən Rüstəmov Mirzə Fətəli olacaq

11 aprel 2011

12:16

Bu dəfə “Səbuhi” yox, “Sübhün səfiri”

“Azərbaycanfilm” kinostudiyasında yeni filmin çəkilişinə hazırlıq gedir. Filmin reyissoru Ramiz Həsənoğlunun
Kulis .az-a verdiyi məlumata görə ssenari Anara məxsus olan film Mirzə Fətəli Axundovun həyat və yaradıcılığına bəhs edir. Həm də ədibin 200 illiyinə həsr olunub. .

Filmə artıq rol bölgüsü aparılıb. Yalnız Mirzə Fətəli Axundov obrazına Gənc Tamaşaçılar Teatrının aktyoru Elşən Rüstəmov təsdiq olunduğundan rejissor onun adını açıqladı.

Qalan obrazlara Rasim Balayev, Fəxrəddin Manafov, Məlahət Abbasovanın adları hallansa da nə rejissor, nə də operator Kənan Məmmədov təsdiq olunmayan adları açıqlamadılar.

Filmin çəkilişlərinə iyul ayında start veriləcək. Çəkilişlər, Bakıda, Şəkidə və İstanbulda aparılacaq. Filmin texniki adı “Sübhün səfiri”dir.

Xatırladaq ki, Mirzə Fətəli Axundov barədə “Azərbaycanfilm” 1941-ci ildə də “Səbuhi” adında film çəkib. Həmin filmin ssenarisini Mikayıl Rəfili yazmışdı, rejissoru isə Rza Təhmasib olub. Mirzə Fətəli Axundov rolunu isə İsmayıl Dağıstanlı ifa edib. Tubu rolunda Leyla Bədirbəyli olub. Həmin filmdə Kazım Ziya Ələsgər Şərifov, Ağadadaş Qurbanov kimi sənətkarlar çəkiliblər.

“Səbuhi” filminin indi texniki bərpaya ehtiyacı var.

Ramilə Qurbanlı

1947 dəfə oxunub

Paylaş

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025

Sənət