Con Lennondan məktub var!

Sənət

Ana səhifə
Sənət

Con Lennondan məktub var!

11 aprel 2011

10:33

Əfsanəvi “Bitlz” qrupunun solisti Con Lennonun məktublarından ibarət kitab nəşr olunacaq.

Kulis.az-ın “Reuters” agentliyinə istinadən verdiyi məlumata görə, kitaba Lennonun ailəsinə, dostlarına, qəzetlərə, təşkilatlara yazdığı məktublar və açıqcalar daxil olacaq. Kitabın 2012-ci ilin oktyabrında çıxacağı gözlənilir. Yüzə yaxın məktubun nəşri üçün icazəni onun həyat yoldaşı Yoko Ono verib.

“Lennonun məktubları” adlanacaq kitabın redaktoru ingilis jurnalist Hanter Deyvzdir. Deyvz “Bitlz” qrupunun rəsmi bioqrafiyasının müəllifidir.

Qeyd edək ki, Con Lennon 1980-ci ildə pərəstişkarı Mark Çapmen tərəfindən öldürülüb. Qatilin cibində Cerom David Selincerin “Çovdarlığı uçurumdan qoruyan” romanı çıxıb. Çapmen qətlin ona romanın qəhrəmanı Holden Koldfild tərəfindən sifariş olunduğunu deyib. Lennon mahnılarında sülh, sevgi, barış təbliğ edirdi.

Günel Əsgərzadə