Üzündə əl izim qalıbsa, Gülnar - Günün şeiri

Zərdüşt Şəfi, şair

Zərdüşt Şəfi, şair

19 noyabr 2021
# 11:02

Bu gün gənc yaşda vəfat etmiş şair Zərdüşt Şəfinin doğum günüdür. O öz ölümü ilə təkcə qələm dostlarını deyil, onu şəxsən tanımayan ədəbiyyatsevərləri də üzdü. Ədəbiyyatımız daha bir istedadlı şairindən məhrum oldu. Yaşasaydı 35 yaşı tamam olacaqdı.

Kulis.az Zərdüşt Şəfinin "Şairin ölümü" şeir təqdim edir.

Şairin Ölümü

Eynən qatarların vəziyyətindəyəm.
Onlarçın qandal relslərdən çölə,
azadlığa çıxmağın bircə yolu var – QƏZA

Salam Sarvan

Kim unudub məni yol ayrıcında -

gəlsin qucaqlasın,

gəlsin aparsın...

Bu ömrü yolundan çıxarar qəza-

gəlsin qabaqlasın,

gəlsin saxlasın...

Mən ölümə gedən adamam, adam -

yadlara doğmayam,

doğmaya yadam...

Bir göyərçin gəlib, əlimə qonub

Əlimdə bir yuva salıb göyərçin,

Uçub getməyəcək, mənim olacaq,

Sevinib, əlimdə qalıb göyərçin,

yellədə bilmərəm əlimi daha -

əllərim göyərçin yuvalarıdı -

qatarlar aparsa əzizlərimi...

Üzündə əl izim qalıbsa, Gülnar,

məndə əl qalmayıb,

sil izlərimi...

Bağışla ömrümü,

uzun gecədi -

Bir say ulduzları, bax gör neçədi?

Bildir Günəşimə, səs sal Ayıma,

Bir gecə qısqanıb məni dənizə

ölüm at ömrümə -

zəhər çayıma...

Mən o gün biləcəm -

O gəlib bizə...

Mən o gün dönəcəm düz kəndimizə...

# 3384 dəfə oxunub

Oxşar xəbərlər

Kədər adlı dərzi - Günün şeiri

Kədər adlı dərzi - Günün şeiri

14:00 23 noyabr 2023
Əllərdə və çiyinlərdəki ölüm – Zərdüşt Şəfinin şeirləri

Əllərdə və çiyinlərdəki ölüm – Zərdüşt Şəfinin şeirləri

15:00 19 noyabr 2023
Yaşamaq necə qorxuludur... - Günün şeiri

Yaşamaq necə qorxuludur... - Günün şeiri

15:00 16 noyabr 2023
O qədər payızam, o qədər payız - Nübar Eldarqızının şeirləri

O qədər payızam, o qədər payız - Nübar Eldarqızının şeirləri

15:50 15 noyabr 2023
Orxan Camalın Afrikadan gələn narahat ruhu - Günün şeiri

Orxan Camalın Afrikadan gələn narahat ruhu - Günün şeiri

13:42 12 noyabr 2023
Qan içində boğulan dini müharibələr - Günün şeiri

Qan içində boğulan dini müharibələr - Günün şeiri

14:30 10 noyabr 2023
# # #