Sən öpsən, hə, öpməsən… - Yeni imza

Sən öpsən, hə, öpməsən… - Yeni imza
5 dekabr 2021
# 19:00

Kulis.az “Yeni imza” layihəsindən Bəsti Məmmədin şeirlərini təqdim edir.

Tanrının cəza üsulu

yox oldum birdən, hamıdan getdim
hamının danışdığı yerdə tək qalmaq istəyirəm

tanrı üzümə xatirələri çırpıb
dünyanın küncünü göstərirdi -
cəzamın böyüklüyünə də baxın...

rahatlığımın narahat tərəfi var:
bilməklə, görmək ayrı şeydi
səndən bircə istəyim var:
bir gün gəlib şəkillərdən boylanma hisslərimə tərəf...

Anama uzaqdan oxuduğum sözlər

Yaralar sağalırmı? – bilərsən, ana
Sən öpsən, hə, öpməsən, bilmirəm
Ana əlləri imiş dünyanı qurtaran –
toxunsan yaxşı olaram, toxunmasan, bilmirəm...

Qoy əlini üstümə, onsuz da ən güclü məlhəm də
göynətmədən sağaltmır...


***

Bu qoca şəhəri ayağın altda
Əzib tapdalayıb çıxıb gedəsən.
Toplayıb hər yerdən xatirələri,
Hamıya bir baxış atıb gedəsən
Gedəsən nə izin, nə tozun qala
Küçələr darıxa, quşlar darıxa
Elə gedəsən ki, bu yer üzündən
Ağlı səndə qalan başlar darıxa,
Darıxa kəndinin payız yağışı
Darıxa ən zalım arzular kimi...

Unudulmuş tərəfimə....

Beynimdən asılıbdı sənli xatirələrim,
Daş divara vurulmuş al-əlvan şəkil kimi.
İndi elə getmisən intihar zamanında,
Ayaq altdan çəkilən çürümüş kətil kimi...
Əlçatmaza çevrildin, bir göz qırpımındaca
Gedib görən hardasa kimə belə göründün?
Sən demişdin mən sənin ölümsüzünəm axı.
Niyə belə tez getdin, necə oldu tez öldün?
Qaldı bir tənha otaq, bir Tanrı, bir xəyalın.
Xəyalına tapındım, qısqanclıq etdi Tanrı.
Ey mənim müqəddəsim, inanc yerimə döndün.
İnancıma baş əyib göylərə getdi Tanrı.


# 2823 dəfə oxunub

Oxşar xəbərlər

"Anamdan əmdiyim süd geri qayıtdı" - Həmid Herisçi Anara şeir həsr etdi

"Anamdan əmdiyim süd geri qayıtdı" - Həmid Herisçi Anara şeir həsr etdi

10:00 9 sentyabr 2025
Öpüşümlə dərərəm barmaqlarını bir-bir – Emin Pirinin şeirləri

Öpüşümlə dərərəm barmaqlarını bir-bir – Emin Pirinin şeirləri

13:22 7 sentyabr 2025
Ələ almağa çalışdığım, amma əlində qaldığım Hamartia... - Furqan Əliyevin şeirləri

Ələ almağa çalışdığım, amma əlində qaldığım Hamartia... - Furqan Əliyevin şeirləri

14:45 26 avqust 2025
Xərçəng preparatları uzaq keçmişin acı xatirəsi... - Günel Mehrinin şeirləri

Xərçəng preparatları uzaq keçmişin acı xatirəsi... - Günel Mehrinin şeirləri

13:25 25 avqust 2025
Yaddaşına yaxşı bax, unutduğun yerdәyәm... - Məmməd İsmayılın şeirləri

Yaddaşına yaxşı bax, unutduğun yerdәyәm... - Məmməd İsmayılın şeirləri

16:58 19 avqust 2025
Dilim Təbriz haraylar... - Gülbacı Nağdaliyevanın şeirləri

Dilim Təbriz haraylar... - Gülbacı Nağdaliyevanın şeirləri

11:30 15 avqust 2025
#
#
Ana səhifə Yazarlar Bütün xəbərlər