Çölümdə yoxluğunun buz nəfəsli gerçəyi var... - Əvəz Qurbanlı

Çölümdə yoxluğunun buz nəfəsli gerçəyi var... - Əvəz Qurbanlı
9 dekabr 2024
# 19:00

Kulis.az Əvəz Qurbanlının "Xatirələr" qəzəlini təqdim edir.

Gözümdə cilvələnib canlı-canlı xatirələr,
Sığışdı bir anıma hər zamanlı xatirələr!

O yanda bəxtəvər anlar, bu yanda ağrı-acı,
O yanlı xatirələr, ahhh! Bu yanlı xatirələr!

Dolub təsəvvürümün izdihamlı boşluğuna
Adam-adam dikəlir şanlı-şanlı xatirələr!

Çölümdə yoxluğunun buz nəfəsli gerçəyi var
İçimdə isti, ilıq, sən gümanlı xatirələr!

Canımda çillə günü yalquzaq hənirtisidir
İçində qurd ulayan sıx dumanlı xatirələr...

Nə arzular, nə ümidlər, həvəslər öldürdük!
Qarışdırır yuxumu qanlı-qanlı xatirələr...

Taxıldı barmağına bir şəhid səadətinin
Ömürlük ayrılığıyla nişanlı xatirələr...

Çəkildi xəlvətə qəddar dilində lal sükutun
İtib-batır qocaman, adlı-sanlı xatirələr...

Nə duyğular yaşadıq! Kaş-kaş, heyf-heyf,
"Sənöl-mənöl"lü, belə, and-amanlı xatirələr!

Soyuq vücudun, Əvəz, xatirata abidədir,
Unutdurarmı səni istiqanlı xatirələr?!

Bakı, 24.11.2024

# 1762 dəfə oxunub

Oxşar xəbərlər

Xalqsız xalq şairləri - Günün şeiri

Xalqsız xalq şairləri - Günün şeiri

10:00 15 iyun 2025
"Sənə də son dəfə əlvida deyim..." - Nobel mükafatçısının şeirləri

"Sənə də son dəfə əlvida deyim..." - Nobel mükafatçısının şeirləri

11:22 14 iyun 2025
Müharibə başlayıb... Nəbatat bağındayam - Rəşad Nağı Mustafanın şeirləri

Müharibə başlayıb... Nəbatat bağındayam - Rəşad Nağı Mustafanın şeirləri

16:34 13 iyun 2025
Tanrım, sonda nə var? - Rüstəm Behrudidən yeni şeir

Tanrım, sonda nə var? - Rüstəm Behrudidən yeni şeir

18:01 10 iyun 2025
Bir evimiz olmadı kirayələrdən uzaq... - Əsəd Qaraqaplan

Bir evimiz olmadı kirayələrdən uzaq... - Əsəd Qaraqaplan

11:00 7 iyun 2025
Pencəyimi asım budağından, yoxsa özümü? - Həmid Herisçinin şeirləri

Pencəyimi asım budağından, yoxsa özümü? - Həmid Herisçinin şeirləri

16:00 31 may 2025
#
#
# # #