Budu komandir gəlir – Yeni müharibə bayatıları

Budu komandir gəlir – Yeni müharibə bayatıları
15 oktyabr 2021
# 14:50

Kulis.az şair İlham Qəhrəmanın yeni yazdığı müharibə bayatılarını təqdim edir.

***

Şirini acı kəsin,
Uzadın ucu kəsin,
Şəhidin toyu budu
Xınalı qoçu kəsin.

***

Ah çəkər ahdan ağlar,
Durub sabahdan ağlar.
Şəhidi yad edənlər
Gah gülər, gahdan ağlar.

***

Qanlı gələn Abbasdı,
Hamını oda basdı?!
Şəhidlik busatıdı -
Toy havasında yasdı.

***

Qalx dağdan yolu kəs dik,
Nə kimsəydik, nə kəsdik.
Toy ətliyi cöngəni
Şəhid vayında kəsdik.

***

Mən görən yazdan gedir,
Dönüb payızdan gedir.
Şəhid bir anasından,
Bir sevən qızdan gedir.

***

Ağac yarpağı sevər,
Əsgər bayrağı sevər,
Daha mən torpaq oldum,
Sevən torpağı sevər!

***

Əl tuturam sıxmırsan,
Ev-eşiyə baxmırsan.
Budu komandir gəlir,
Əsgər, niyə qalxmırsan?

# 7916 dəfə oxunub

Oxşar xəbərlər

Öpüşümlə dərərəm barmaqlarını bir-bir – Emin Pirinin şeirləri

Öpüşümlə dərərəm barmaqlarını bir-bir – Emin Pirinin şeirləri

13:22 7 sentyabr 2025
Ələ almağa çalışdığım, amma əlində qaldığım Hamartia... - Furqan Əliyevin şeirləri

Ələ almağa çalışdığım, amma əlində qaldığım Hamartia... - Furqan Əliyevin şeirləri

14:45 26 avqust 2025
Xərçəng preparatları uzaq keçmişin acı xatirəsi... - Günel Mehrinin şeirləri

Xərçəng preparatları uzaq keçmişin acı xatirəsi... - Günel Mehrinin şeirləri

13:25 25 avqust 2025
Yaddaşına yaxşı bax, unutduğun yerdәyәm... - Məmməd İsmayılın şeirləri

Yaddaşına yaxşı bax, unutduğun yerdәyәm... - Məmməd İsmayılın şeirləri

16:58 19 avqust 2025
Dilim Təbriz haraylar... - Gülbacı Nağdaliyevanın şeirləri

Dilim Təbriz haraylar... - Gülbacı Nağdaliyevanın şeirləri

11:30 15 avqust 2025
"Tutdum yıxılmağa qorxduğum yerdən..." - Salam Sarvanın şeirləri

"Tutdum yıxılmağa qorxduğum yerdən..." - Salam Sarvanın şeirləri

16:45 12 avqust 2025
#
#
Ana səhifə Yazarlar Bütün xəbərlər