Poeziya

Bu uşaq atamı görməyib axı - Günün şeiri

Bu uşaq atamı görməyib axı - Günün şeiri
9 iyul 2024
# 13:21

Kulis.az "Günün şeiri" layihəsində Rəşad Nağı Mustafanın yeni şeirini təqdim edir.

İlahi, verdiyin nemətə şükür.
İlahi, yerdəki cənnətə şükür.
Məni cümə günü, sübh namazında
yuxudan oyadan qismətə şükür.

Şükür əllərinin xırdalığına,
Şükür ürəyinin döyüntüsünə,
Şükür gözlərinə görsənənlərə
Şükür evdən gələn körpə səsinə.

Bu uşaq atam tək yatır, yatanda
əlinin içində gizlədir üzün.
Bu uşaq atamı görməyib axı,
Bəs necə atama oxşadır özün?

Bu yumru, ölməli dünyada təzdən
Var etdin ayaqdan başacan məni.
Oğlumun xətrinə yaşat, İlahi,
atamın öldüyü yaşacan məni.

İlahi, mən onu başa düşürəm.
Bilirəm, ağlayıb nə deyir mənə.
Mən onun dilini öyrənirəm ki.
Uşaq dilində də yalvarım sənə.

Kulis.az
Kulis.az
# 5896 dəfə oxunub

Oxşar xəbərlər

Tutmuş gözü məni, elə bil çöldə ov tutur - Qəzəllər

Tutmuş gözü məni, elə bil çöldə ov tutur - Qəzəllər

13:47 12 noyabr 2026
"Dostların üzlərini su pərdəsi arxasından görmək..." - Tadeuş Borovskidən "Çayın adları"

"Dostların üzlərini su pərdəsi arxasından görmək..." - Tadeuş Borovskidən "Çayın adları"

12:32 12 noyabr 2026
"Təkcə hissələrinin cəmindən ibarət deyilmiş var olan..." - Əli Şirin Şükürlünün metamodern şeirləri

"Təkcə hissələrinin cəmindən ibarət deyilmiş var olan..." - Əli Şirin Şükürlünün metamodern şeirləri

15:00 11 noyabr 2026
"Qoy, mən də gəlim səninlə..." - Yannis Ritsosdan şeirlər

"Qoy, mən də gəlim səninlə..." - Yannis Ritsosdan şeirlər

13:00 11 noyabr 2026
İki qonşunun partiya sevdası - Rafiq Ələkbərin sərbəst esse-poeması

İki qonşunun partiya sevdası - Rafiq Ələkbərin sərbəst esse-poeması

12:45 10 noyabr 2026
“Şuşada sən qonduğun daşa pir deyəcəyəm" - Bayraq haqqında ən gözəl şeirlər

“Şuşada sən qonduğun daşa pir deyəcəyəm" - Bayraq haqqında ən gözəl şeirlər

10:00 9 noyabr 2026
Ana səhifə Reels Yazarlar Xəbərlər