Bir dəqiqə sükut... - Günün şeiri

Sərdar Amin

Sərdar Amin

8 noyabr 2021
# 10:55

Kulis.az Sərdar Aminin "Bir dəqiqə sükut... Gəmi siqnalı..." adlı şeirini təqdim edir.

Vətən müharibəsində həlak olan şəhidlərimizin istəkli xatirəsinə...

Bir dəqiqə sükut... Gəmi siqnalı...
On milyon havalı gözü qapalı
On milyon cüt dodaq dua pıçıldar
On milyon təsəlli yarımçıq qalar.

Damarımda axır qürbət suları
Guya mən şairəm, Vurğun misalı
Amma şəhid adı, nəşi gələndə
Şəhid anasının səsi gələndə
Ayrı bir ölçüdə, ayrı biçimdə
bir şair yıxılıb qalır içimdə...
Nə özüm müsəlləh, cəsur əsgərəm
Nə də bir süngüdür əlimdə qələm.

Amma gün gələcək, Vurğun doğacaq
Bəlkə bir az təbi solğun doğacaq
Hərçənd xatirəniz şimşək kimidir
Gora danışırlar, ölü dirilir
Dirildər o təbi solğun yetimi
Bu xatirə ona bir vurğun kimi
Belə yazdırar:

“Keçsə aylar, illər, keçsə nə qədər
Bu gündən dünyanın sonuna qədər
Gecənin bağrında dan döyünəndə
Üfüqlər sürməyi don geyinəndə
Ulduz tək görünüb gözdən itəcək
İki min yeddi yüz səksən üç ürək...”

# 18474 dəfə oxunub

Oxşar xəbərlər

"Bütün bunlar nədən ötrüdür axı, bilirsən?" -  Qulu Ağsəsdən Azər Turana

"Bütün bunlar nədən ötrüdür axı, bilirsən?" - Qulu Ağsəsdən Azər Turana

14:16 21 noyabr 2026
"Aslan nələr çəkməmiş kiçik ağcaqanaddan..." - İvan Krılovun təmsili Abdulla Şaiqin tərcüməsində

"Aslan nələr çəkməmiş kiçik ağcaqanaddan..." - İvan Krılovun təmsili Abdulla Şaiqin tərcüməsində

10:29 21 noyabr 2026
"İki qol arasının nə coxmuş həsrət yükü..." - Gülər Natiq İsaqın yeni şeirləri

"İki qol arasının nə coxmuş həsrət yükü..." - Gülər Natiq İsaqın yeni şeirləri

15:00 20 noyabr 2026
Bir çox şeydən əzəldir türk bayrağı - Şeirlər

Bir çox şeydən əzəldir türk bayrağı - Şeirlər

14:10 20 noyabr 2026
"Göyqurşağını ilmə-ilmə toxuyanı tanıyıram..." - Ullie Kayenin şeiri

"Göyqurşağını ilmə-ilmə toxuyanı tanıyıram..." - Ullie Kayenin şeiri

16:39 17 noyabr 2026
"Yollar bir-birini tanıyırdı hələ..." - Enn Karsonun şeirləri

"Yollar bir-birini tanıyırdı hələ..." - Enn Karsonun şeirləri

11:31 15 noyabr 2026
Ana səhifə Reels Yazarlar Xəbərlər