Azərbaycan teatrının Oyun Babası - Vaqif İbrahimoğlu 70

Azərbaycan teatrının Oyun Babası - Vaqif İbrahimoğlu  70
18 oktyabr 2019
# 14:21

Bu gün müasir Azərbaycan teatrına ən çox təsir etmiş rejissorun, Yuğ teatrının yaradıcısı Vaqif İbrahimoğlunun anadan olmasından 70 il keçir. Bu tarix həm də Azərbaycan teatrında ironiya, intellektuallıq, həcv, rişxənd, intellektual yumor, qeyri-ənənəvi səhnə, qeyri-ənənəvi aktyor oyunu ilə iz salmış Yuğ teatrının yaranma tarixidir.

Bu gün əvvəlki Yuğ teatrı yoxdur. Həm də tək bina olaraq deyil, məkan olaraq deyil, gedəcək bir yer olaraq yoxdur. Qapısını gələnə-gedənə açıq qoyan, hər kəsə özü ilə baş-başa qalmaq üçün zaman biçən, danışmaq, düşünmək, dinləmək, seyr etmək üçün üz tuta, ya da hansısa ironiyadan, çox zaman da özünlə üzbəüz qaldığın oyundan inciyib üz çevirə biləcəyin məkan yoxdur.

Vaqif İbrahimoğludan cismən zaman olaraq uzaqlaşdıqca onu daha yaxşı başa düşürsən. İbrahimoğlunun oyun ehtirası səhnə ilə hüdudlanmırdı; o, az qala təzəcə ünsiyyətdə olduğu hər kəsə bir oyun təklif etməyi sevirdi. Teatrda, aktyora münasibətdə onun yanaşması nə idisə, adamlarla qurduğu oyunlarda da məhz o idi: öz kimliyinlə obrazın arasında yaşamaq. Və bu an o ilahi məqama çatmaq - özünlə təkbətək qaldığın o məqama. Yuğ teatrı da bunun üçün idi. Adı xeyli savadlı səslənən, təşəxxüslə işlədilən “Psixosof poetikası” – da “ruhun hikməti”nə can atmaqdan ötrü axtarılan metodlar idi.

Yuğ teatrını sıradan teatr olmaqdan xilas edən də məhz bunlar idi. İbrahimoğlunun qurduğu oyunlar öz kimliyinə qovuşmaq üçün idi. Vaxtilə Rejissor Vaqif İbrahimoğlu ilə söhbət edəndə, Yuğ teatrına ayaq qoyanda bilmirdik ki, biz də daimi truppada olmasaq da, aktyorlarıq. Deməli, bu gün inadla tamaşaçını iştirakçıya, müşahidəçiyə çevirmək istəyən, onu oyuna çəkən, baxmağa, seçməyə çağıran müxtəlif müasir teatr formalarının (Site-specifik, Promenad) istədiyindən də artığına illər əvvəl çatmışıq. Özümüz bilməsək də.

Bu gün bunları bizə yaşadan Oyun Babası həyatda yoxdur. Özünün və teatrınınsa doğum günüdür. Oysa mən əminəm, əsl sənətçinin ölüm günü olmur. Həp doğum günü... Doğum günün mübarək, qapısını hər kəsə açıq qoyan rejissor – Vaqif İbrahimoğlu!

# 6867 dəfə oxunub

Oxşar xəbərlər

Dünyanın ən qəribə muzeyləri - İşgəncə alətlərindən mistik cadulara qədər...

Dünyanın ən qəribə muzeyləri - İşgəncə alətlərindən mistik cadulara qədər...

13:00 10 avqust 2025
Sufi - Anar Şamilin hekayəsi

Sufi - Anar Şamilin hekayəsi

10:00 10 avqust 2025
Pandemik mələk - Orxan Fikrətoğlunun yeni hekayəsi

Pandemik mələk - Orxan Fikrətoğlunun yeni hekayəsi

16:00 9 avqust 2025
Olanların ən yaxşısı: İlham Əliyevin 5 şərti və tarixi qələbəsi

Olanların ən yaxşısı: İlham Əliyevin 5 şərti və tarixi qələbəsi

14:58 9 avqust 2025
Məşhur müğənni  konsertini ləğv etdi

Məşhur müğənni konsertini ləğv etdi

14:50 9 avqust 2025
Tarixi Kordova Katedralında baş verən yanğının qarşısı alındı

Tarixi Kordova Katedralında baş verən yanğının qarşısı alındı

14:20 9 avqust 2025
Ana səhifə Yazarlar Bütün xəbərlər