Heyf, gizli qalan hislərimizdən - ŞEİRLƏR

Heyf, gizli qalan hislərimizdən - <span style="color:red;">ŞEİRLƏR
3 may 2016
# 16:43

Bu yaxınlarda Ülkər Hüseynlinin “İtirdiyim ünvana məktub” şeirlər kitabı çap olunub. Kitaba şairin müxtəlif illərdə yazdığı şeirlər daxil edilib.

Ülkər Hüseynlinin şeir, hekayə, tərcümə və məqalələri dövrü mətbuatda, “Məhsəti” şairlər məclisinin almanaxında dərc olunub. Bundan əvvəl şairin “Mən şeir yazmıram ki...” adlı kitabı çıxıb.

Ülkər Hüseynlinin “İtirdiyim ünvana məktub” kitabından şeirləri təqdim edirik.

Ülkər Hüseynli

HEYİF

Heyf, gizli qalan hislərimizdən

Nə sən dilə gəldin, nə mən anlatdım.

Heyf, susduğumuz sözlərimizdən,

Nə sən getmə dedin, nə mən qayıtdım.

Heyf, həsrət yeli saraldıb-solan,

O xoşbəxt, qayğısız üzlərimizə,

Ömür yollarının dolanbacında,

Qoşa dolanmayan izlərimizə.

Əfsus, sevdalanmış bir cüt göz olub,

Dənizə, ulduza, gülə baxmadıq.

Bir simurq quşunun qanadları tək,

Birgə pərvazlanıb ərşə qalxmadıq.

Məhrəm tellərinə sığal çəkməyən

İstisi soyumuş əllərə heyf.

Qısa bir ömürdə sevgisiz ötən

O hədər xərclənən illərə heyf.

Adımız dillərdə dastan olmadı,

Fədakar olmadıq eşqin yolunda.

Yetim uşaq kimi yiyəsiz qalıb,

Məsum hislərimiz bitdi sonunda.

SUALLAR

Ürəklər gülməyirsə, gözlər gülə bilərmi?

Niyyətlər xoş deyilsə, dildən bal süzülərmi?

Qəlbdə iman olmasa, bəndə insan olarmı?

Allah izn verməsə, müşkül asan olarmı?

İllər, aylar ötməsə, insan dolarmı yaşa?

Yaranışdan yoxdursa, ağıl gələrmi başa?

Damarında olmasa, qeyrət alınarmı heç?

Anlamazın biriylə ülfət qurularmı heç?

Mərhəmət tanımayan sevgi nədir bilərmi?

Nəfsinə hakim olan şeytana yenilərmi?

Ruhu zəngin kimsələr dünyaya tapınarmı?

Həqiqətə gedənlər yolundan sapınarmı?

Riyakarlıq bilməyən bürünərmi min dona?

Hökm Allahdan gəlməsə, ömür yetərmi sona?

ZAMANI GÖRMƏK OLAR

Zamanı harada görmək olar?

Divarların ovulub tökülmüş suvağındamı?

İllərin səliqə ilə düzülmüş qalağındamı?

Getdikcə yorğunlaşan insan baxışlarında,

Yoxsa, həlqələri hər il bir-bir artan

Ağac koğuşlarında.

Böyüdükcə ömür möhlətinin,

Kiçikliyini anlayanda.

Edib-etmədiklərinə görə

Özünü danlayanda.

Tanışların azalan sıralarında,

Qəlbinin günbəgün artan yaralarında.

Bəlkə dən düşmüş saçlara ilişib zaman,

Ya da boylanır fotolardakı insan simalarından.

# 5973 dəfə oxunub

Oxşar xəbərlər

Marina Abramoviçin  80 illiyinə həsr olunan böyük sərgi Romada açıldı

Marina Abramoviçin 80 illiyinə həsr olunan böyük sərgi Romada açıldı

18:39 18 noyabr 2026
ADU-da  “Azərbaycan-Özbək dili əlaqələri: tarixi və müasir müstəvidə”  adlı tədbir keçirildi

ADU-da “Azərbaycan-Özbək dili əlaqələri: tarixi və müasir müstəvidə” adlı tədbir keçirildi

17:42 18 noyabr 2026
Kembric Lüğəti 2026-cı ilin sözünü seçdi - "Human" nə deməkdir?

Kembric Lüğəti 2026-cı ilin sözünü seçdi - "Human" nə deməkdir?

17:19 18 noyabr 2026
Parfenonun itmiş heykəltəraşlıq kompozisiyası yenidən quruldu

Parfenonun itmiş heykəltəraşlıq kompozisiyası yenidən quruldu

16:46 18 noyabr 2026
Harvard  150 ildən sonra Braziliyaya iki kölə edilmiş insanın  qalıqlarını qaytardı

Harvard 150 ildən sonra Braziliyaya iki kölə edilmiş insanın qalıqlarını qaytardı

16:17 18 noyabr 2026
Məşhur reper məhkəmə qarşısına çıxacaq - Səbəb

Məşhur reper məhkəmə qarşısına çıxacaq - Səbəb

15:44 18 noyabr 2026
#
#
Ana səhifə Reels Yazarlar Xəbərlər