85 yaşlı qadına Google niyə təşəkkür etdi?

Media

Ana səhifə
Media

85 yaşlı qadına Google niyə təşəkkür etdi?

22 iyun 2016

10:26

Googleda axtarış verən 85 yaşlı britaniyalı qadına şirkət təşəkkür edib. Buna səbəb qadının axtarış zamanı nəzakətli davranması olub.

Ben Con adlı britaniyalı gənc 85 yaşlı nənəsi Mey Eşuortun notbukunu açanda nənəsinin Googleda axtarış verdiyini görüb. Amma nənə bu axtarışı hamının elədiyi kimi deyil, qeyri-adi formada edib. O, bu cür yazıbmış: Zəhmət olmasa, bu rum rəqəmlərini çevirin: MCMXCVIII. Təşəkkür edirəm.

Nənənin nəzakətli davranışından təəccüblənən oğlan Twitter hesabında belə status yazıb: “Ay Allah, nənəmin notbukunu açıb nə görsəm yaxşıdır, nənəm googleda axtarış verəndə “zəhmət olmasa” və təşəkkür edirəm” sözlərindən istifadə edir.”

Britaniyalı gəncin bu statusu sosial şəbəkədə əks-səda yaradıb. Bundan sonra Google şirkəti özünün rəsmi Twitter səhifəsində nənəyə belə yazıb: “Benin əziz nənəsi! Ümid edirik hər şey yaxşıdır. Biz milyardlarla axtarış sorğuları alırıq, amma yalnız sizin sorğu bizi sevindirdi. Yeri gəlmişkən, cavab: 1998. Təşəkkür edirik.”