Sosial şəbəkələrdə Xalq artisti Səidə Quliyevanın xəstəxanaya yerləşdirilməsi ilə bağlı xəbər yayılıb.
Kulis.az-a açıqlama verən aktrisa xəbərin yalan olduğunu deyib.
"Heç nədən xəbərim olmadan səhər kimsə mənim xəstələndiyimi və xəstəxanaya yerləşdirildiyimi deyib. Əslində, belə deyil. Mən sağlamam. Hər şey normaldır. Niyə belə yazıblar? Mənim də uzaqda yaşayan qohumlarım var. Eşidib çox narahat olublar. Bir sözlə, səhərdən kefim çox pisdir. Doğmalarım mənə zəng eləyir. Hamı həyəcan içindədir. Hətta iş yoldaşlarım da narahat olublar.
"Onu yazan adam çox səviyyəsiz, ləyaqətsiz insandır"
Xalq artisti açıqlamasında bu hərəkətin onun üçün gözlənilməz olduğunu qeyd edib:
"İnsanların heysiyyəti ilə belə oynamaq olmaz. Onsuz da bizdə hər şey çətinliklə başa gəlir. Bir tərəfdən də insana belə mənəvi zərbə vurmaq insanlığa yaraşan hərəkət deyil. Həddindən artıq səviyyəsiz hərəkətdir. Mənim yaradıcılığım barədə soruşsa idi, böyük məmnuniyyətlə ona açıqlama verərdim. Hamıya hörmətlə yanaşıram. Mənə qarşı bu hörmətsizliyi heç gözləməzdim. Sual versələr ki, sizin düşməniniz var, deyərəm, yoxdur. Mən insanları özümə dost bilirəm. Onu yazan adam çox səviyyəsiz, ləyaqətsiz insandır. Belə pul qazanmaq istəyirsinizsə, o pul haramdır. Sizin heç halalınız olmasın".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər