Ürəyi Kərbəlada, fikri Məkkədə olan azərbaycanlılar

Ürəyi Kərbəlada, fikri Məkkədə olan azərbaycanlılar
17 mart 2024
# 13:20

Kulis.az Aqşin Yeniseyin yeni yazısını təqdim edir.

Son iki yüz ildə gələcəyi bizə ruslar gətirib; əvvəl çar Rusiyası, dalınca sovet Rusiyası.

Filosof Niyazi Mehdi bir dəfə yazmışdı ki, islam mənim mənəvi vətənimdir.

Tamamilə doğrudur, islam təkcə Niyazi Mehdinin deyil, bütün müsəlman xalqlarının mənəvi vətənidir, yəni komfort zonasıdır.

Hər iki Rusiya bizi bu komfort zonamızdan çıxarıb özüylə gətirdiyi gələcəyin içinə doldurmuşdu.

Bizi gələcəyə məhkum etmişdi. Bu gələcək bizim aid olduğumuz bir yer deyildi, başqasının bizim üçün arzuladığı və gerçəkləşdirdiyi gələcək idi.

Və divarları vardı!!!

Ürəyi Kərbəlada, fikri Məkkədə olan azərbaycanlını sovet Rusiyası ateist etmişdi. Təsəvvür edirsiniz bu o azərbaycanlı üçün necə ağlasığmaz bir zülm idi?!

Ona görə də bizim xalqın gələcəklə bağlı psixoloji travması var. Və bu travma həm də təhsil vasitəsilə bütün xalqa yoluxdurulub.

Bizə mənəviyyatın, mədəniyyətin yalnız və yalnız keçmişlə bağlı hadisə olduğunu elmi baxış kimi təhsil öyrədir.

Xüsusilə Ədəbiyyat fənni. Ədəbiyyat fənnimizdə yalnız keçmiş zaman var. Bizə balaca vaxtımızdan indiki və gələcək zamana önəm verməmək avamlığı bu fəndən yoluxur.

Biz beyinləri həm də təhsillə yuyulmuş xalqıq, savadsızlarımız dini, savadlılarımız pedaqoji cəhalətin fədailəridir.

Dünən gələcəyimizi Koroğluya qurban verən ali təhsillilərimizlə, srağagün gələcəyimizi Qəzzaliyə qurban verən dini təhsillilərimiz arasında heç bir fərq yoxdur.

Gələcəklə bağlı travması artıq xalqımızın xarakterinə çevrilib.

# 3454 dəfə oxunub

Oxşar xəbərlər

Rus dilində tədris ləğv olunmalıdırmı? - Təhlükə və çıxış yolları

Rus dilində tədris ləğv olunmalıdırmı? - Təhlükə və çıxış yolları

12:00 11 iyul 2025
Fazil Mustafaya sui-qəsd edən Səricanovun oğlu ilə bağlı məhkəmə qərarı

Fazil Mustafaya sui-qəsd edən Səricanovun oğlu ilə bağlı məhkəmə qərarı

11:56 11 iyul 2025
Prezidentin Fərmanı:  Bu qəzetlər...

Prezidentin Fərmanı: Bu qəzetlər...

11:43 11 iyul 2025
Ermənilər tərəfindən evi yandırılan,  ailə üzvlərinin hamısını itirən Abbas Səhhət

Ermənilər tərəfindən evi yandırılan, ailə üzvlərinin hamısını itirən Abbas Səhhət

10:23 11 iyul 2025
Milli Qəhrəman Hökumə Əliyevaya həsr edilən film avqustda  təqdim ediləcək

Milli Qəhrəman Hökumə Əliyevaya həsr edilən film avqustda təqdim ediləcək

18:40 10 iyul 2025
Məmməd İsmayıl  xəstəxanadan  evə buraxılacaq

Məmməd İsmayıl xəstəxanadan evə buraxılacaq

17:15 10 iyul 2025
# # #