Türk Mədəniyyəti və İrsi Fondu ilə Türk Akademiyası əməkdaşlıq müzakirə etdilər

Türk Mədəniyyəti və İrsi Fondu ilə Türk Akademiyası əməkdaşlıq müzakirə etdilər
1 dekabr 2022
# 15:30

Beynəlxalq Türk Mədəniyyəti və İrsi Fondu və Beynəlxalq Türk Akademiyası arasında gələcək əməkdaşlıq istiqamətləri müzakirə edildi

Kulis.az xəbər verir ki, Beynəlxalq Türk Mədəniyyəti və İrsi Fondunun prezidenti Günay Əfəndiyeva Beynəlxalq Türk Akademiyasının yeni təyin olunmuş prezidenti, akademik Şahin Mustafayev ilə görüşüb.

Görüşdə Fondun prezidenti Günay Əfəndiyeva Şahin Mustafayevi 11 noyabr 2022-ci il tarixində Səmərqənddə keçirilən Türk Dövlətləri Təşkilatının IX Zirvəsində Beynəlxalq Türk Akademiyasının prezidenti təyin olunması ilə əlaqədar təbrik edərək, ona yeni və məsuliyyətli vəzifəsində uğurlar arzu edib. Günay Əfəndiyeva Fond tərəfindən zəngin Türk tarixinin və mədəni irsinin qorunması, bütün dünyada tanıdılması istiqamətində həyata keçirilən layihələrdən danışıb, eləcə də hər iki təşkilatın fəal və məhsuldar fəaliyyətinin Türk dövlətləri və xalqlarının daha da yaxınlaşmasına və inteqrasiyasına böyük töhfə verəcəyini vurğulayıb.

Türk Akademiyasının prezidenti Şahin Mustafayev təbriklərə görə Günay Əfəndiyevaya təşəkkür edərək, Türk dünyasında akademik fəaliyyəti əlaqələndirən, Türk xalqlarının qədim və müasir tarixini, dilini, elmini tədqiq edən beynəlxalq təşkilata rəhbərlik etməsinin qürurverici olduğunu bildirərək, Akademiyanın bundan sonra da səmərəli fəaliyyət göstərməsi və Türk Əməkdaşlıq Təşkilatları ilə sıx tərəfdaşlıq etməsi istiqamətində çalışacağını qeyd edib.

Bununla yanaşı, görüşdə Fond və Akademiya arasında əməkdaşlığın daha da genişləndirilməsi, mümkün birgə layihələr ətrafında söhbət aparılıb.

# 262 dəfə oxunub

Oxşar xəbərlər

Beynəlxalq Türk Mədəniyyəti və İrsi Fondu bəyanat yaydı

Beynəlxalq Türk Mədəniyyəti və İrsi Fondu bəyanat yaydı

20:35 27 yanvar 2023
Arif Babayevin şəxsi arxiv fondu yaradıldı

Arif Babayevin şəxsi arxiv fondu yaradıldı

18:50 27 yanvar 2023
Mirzə İbrahimovun “Gələcək gün” romanının qəhrəmanı ilə bağlı məqaləsi

Mirzə İbrahimovun “Gələcək gün” romanının qəhrəmanı ilə bağlı məqaləsi

18:00 27 yanvar 2023
Emil Quliyev “IV Müasir Audiovizual Baxış”  mükafatının qalibi oldu

Emil Quliyev “IV Müasir Audiovizual Baxış” mükafatının qalibi oldu

17:20 27 yanvar 2023
“El adamı” sənədli filminin premyerası olub

“El adamı” sənədli filminin premyerası olub

16:40 27 yanvar 2023
Azər Əkbərov vəfat etdi

Azər Əkbərov vəfat etdi

15:50 27 yanvar 2023
# # #