Tofiq Kazımovun 100 illiyi qeyd ediləcək - Sərəncam

Tofiq Kazımov

Tofiq Kazımov

3 mart 2023
# 16:12

Prezident İlham Əliyev Tofiq Kazımovun 100 illik yubileyinin qeyd edilməsi haqqında Sərəncam imzalayıb.

Kulis.az xəbər verir ki, Sərəncamda deyilir:

“2023-cü ildə Azərbaycanın görkəmli teatr rejissoru, dövlət mükafatları laureatı, tanınmış pedaqoq, Xalq artisti Tofiq Səməd Mənsur oğlu Kazımovun anadan olmasının 100 ili tamam olur.

Orijinal yaradıcılıq dəst-xəttinə malik fitri istedadlı rejissor kimi Tofiq Kazımov Azərbaycan teatrının repertuarını yüksək bədii-estetik meyarlı səhnə əsərləri ilə daha da zənginləşdirmişdir. Sənətkar özünün teatr məktəbini qurmağa müvəffəq olmuş və həmin məktəb ölkə teatrını irəli apararaq ona yeni nailiyyətlər qazandırmışdır. Tofiq Kazımov milli və dünya dramaturji irsinin diqqətəlayiq nümunələrinə müasirlik kontekstində verdiyi mükəmməl quruluşlarla mədəniyyət salnaməmizə parlaq səhifələr yazmışdır. Onun hazırladığı və ictimai-mənəvi proseslərin axarında zamanın ritmini və insanların təfəkkür tərzini dolğun təcəssüm etdirən novator tamaşalar ideya-bədii bütövlüyü ilə seçilərək teatr ictimaiyyəti tərəfindən həmişə böyük maraqla qarşılanmış, respublikanın mədəni həyatında hadisəyə çevrilmişdir. Sənət xəzinəmizin qızıl fondunda layiqli yer tutan bu səhnə əsərləri bir çox məşhur aktyorların formalaşmasında əhəmiyyətli rol oynamışdır”.

Mədəniyyət Nazirliyi Xalq artisti Tofiq Kazımovun 100 illik yubileyi ilə bağlı tədbirlər planı hazırlayıb həyata keçirməli, Nazirlər Kabineti isə bu Sərəncamdan irəli gələn məsələləri həll etməlidir.

# 1633 dəfə oxunub

Oxşar xəbərlər

Fikrət Əmirovla eyni qadına evlilik təklif edən bəstəkarımız kimdir?

Fikrət Əmirovla eyni qadına evlilik təklif edən bəstəkarımız kimdir?

18:51 18 iyun 2025
Moskvada Mayakovskinin sevgilisi haqqında  serial çəkiləcək

Moskvada Mayakovskinin sevgilisi haqqında serial çəkiləcək

18:40 18 iyun 2025
Zemfiranın Qazaxıstan konserti ləğv edildi

Zemfiranın Qazaxıstan konserti ləğv edildi

18:00 18 iyun 2025
Afra Saraçoğlu və Engin Akyürekdən sürpriz layihə: "İstanbul Aşkım"

Afra Saraçoğlu və Engin Akyürekdən sürpriz layihə: "İstanbul Aşkım"

17:32 18 iyun 2025
Dünya ulduzları Efes Antik Teatrında səhnəyə çıxacaq

Dünya ulduzları Efes Antik Teatrında səhnəyə çıxacaq

15:40 18 iyun 2025
Buzovnada aşıq məclisi və ya “Tatar nəğməsi”nin qeyri-adi səyahəti - Məti Osmanoğlu

Buzovnada aşıq məclisi və ya “Tatar nəğməsi”nin qeyri-adi səyahəti - Məti Osmanoğlu

15:00 18 iyun 2025
# # #