Bu gün mərhum aktyor Tələt Rəhmanovun anım günüdür.
Kulis.az xəbər verir ki, Tələt Əliağa oğlu Rəhmanov 12 dekabr 1931-ci ildə İçərişəhərdə dünyaya gəlib. Ailədə üç övlad olublar, iki oğlan, bir qız. Atası uşaq yaşlarında repressiya qurbanı olub. Ona anası baxıb.
Tələt Rəhmanov fəxri ad almasa da, onun oynadığı rollar “Qaynana”da Əli, “Sehirli xalat”da “milisoner”, “Arşın mal alan”da nökər Vəli, “Uzaq sahillərdə”də xidmətçi, "Kişi sözü"ndə kolxoz sədri Bayandur və s. tamaşaçıların yaddaşında silinməz iz qoyub.
Aktyor ölümündən bir müddət əvvəl infarkt keçirib. Öləndə həyat yoldaşı elə bilib ki, zarafat edir. Həmin gün çəkilişdən gəlib. Dəniz kənarında olan çəkilişdən ağız dolu danışıb. Danışdığı yerdə qəfil səsi xırıldamağa başlayıb. Həyat yoldaşı deyib ki, “ay Tələt, bəsdi də aktyorluq elədin”. Sonra görüblər ki, o, özündən gedir. Həkimlər gələnədək isə artıq gec olub. Tələt Rəhmanov 1993-cü il noyabrın 13-də dünyasını dəyişib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər