StartUp Akademiya: TikTok startaplar üçün təhsil proqramına qeydiyyatı açdı

StartUp Akademiya:  TikTok startaplar üçün təhsil proqramına qeydiyyatı açdı
7 noyabr 2024
# 12:30

Qısa videoların aparıcı platforması olan TikTokda startaplar üçün TikTok StartUp Akademiyasına qeydiyyat başlayıb.

Kulis.az xəbər verir ki, Akademiya çərçivəsində startap nümayəndələri platformada uğur qazanmağı və öz məhsullarını cəmiyyətin diqqətinə çatdırmağı öyrənəcəklər.

TikTok StartUp Akademiyasının finalistləri TikTok-da inkişaf etmək üçün qrant qazanacaqlar – ümumi mükafat fondu 15.000 dollar təşkil edir.

TikTok yalnız Azərbaycan istifadəçi icmasına yaradıcılıq və yeni biliklər əldə etmək üçün məkan yaratmaqla kifayətlənmir, həm də yerli biznesin inkişafını təhsil resursları, unikal və innovativ alətlərlə dəstəkləyir. Bu il TikTok, Azərbaycanda yerli biznes sahələrində platformaya olan böyük marağı nəzərə alaraq ölkədə TikTok For Business platformasını istifadəyə verib və yerli şirkətlərlə əməkdaşlığa başlayıb. İndi Azərbaycanın müxtəlif sahələrindən olan şirkətlər TikTok-da marketinqin bütün mərhələlərində real kontent yarada və öz biznes məqsədlərini həyata keçirə bilərlər. TikTok brendlərin platforma icmasında tanınmasını artırmağa, istifadəçiləri cəlb etməyə və sadiqliyi gücləndirməyə, tətbiqdən kənarda hərəkətə keçməyə, konversiyaları artırmağa və satışları yüksəltməyə kömək edir.

TikTok Azərbaycandan olan startapları Azərbaycan Respublikasının İnnovasiya və Rəqəmsal İnkişaf Agentliyi, eləcə də Mərkəzi Asiyada İT startapların ən böyük beynəlxalq texnoparkı olan Astana Hub ilə birgə təşkil edilən TikTok StartUp Akademiyasında iştirak etməyə dəvət edir.
Proqramda iştirak etmək üçün startaplar 10 noyabr tarixinədək linkə keçid edərək müraciət formasını doldurmalıdırlar. Müraciətdə startapın məqsədləri, coğrafiyası və TikTok vasitəsilə nail olmaq istədikləri biznes hədəflərini açıqlamalıdırlar. Ən unikal ideyalara əsaslandırılmış biznes modelinə və platformada məqsədlərə dair aydın vizyona sahib olan startaplar 29 noyabrda Astanada keçiriləcək final mərhələsinə seçiləcəklər. Finalistlərin yaşayış və uçuş xərcləri qarşılanacaq.

Finalda iştirakçılar Akademiya ekspertlərindən təhsil kursu, həmçinin TikTok-da inkişaf etmək üçün 15 000 ABŞ dolları məbləğində mükafat fondu uğrunda mübarizə edəcəklər.

"Biz TikTok StartUp Akademiyası çərçivəsində sahibkarlara unikal təcrübə qazandıraraq, onlara yeni biliklər əldə etmək, TikTok və Astana Hub-ın ən yaxşı ekspertlərinin mentorluğu ilə yeni zirvələrə nail olmaq üçün dəstək verəcəyik. Ən yaxşı iştirakçılara verilən qrantlar onların cəsarətli ideyalarını reallaşdırmağa imkan yaradacaq" – deyə TikTok-un Azərbaycan, Türkiyə, Mərkəzi və Cənubi Asiya üzrə Global Business Solutions departamentinin rəhbəri Barış Aldanmaz bildirib.

Akademiyaya həmçinin Qazaxıstan, Qırğızıstan və Özbəkistandan olan startaplar dəvətlidir.

TikTok aparıcı qısa video tətbiqidir. Bizim missiyamız insanları yaradıcı olmağa ruhlandırmaq və onlara sevinc bəxş etməkdir

# 900 dəfə oxunub

Oxşar xəbərlər

"Üzüklərin hökmdarı"nın  Qandalf və Frodosu geri qayıdır

"Üzüklərin hökmdarı"nın Qandalf və Frodosu geri qayıdır

17:49 18 avqust 2025
İrlandiyalı  yazıçı Fələstin Hərəkatına dəstəyini davam etdirəcəyini açıqladı

İrlandiyalı yazıçı Fələstin Hərəkatına dəstəyini davam etdirəcəyini açıqladı

16:05 18 avqust 2025
Məşhur filmin loqosunun müəllifi 103 yaşında vəfat etdi

Məşhur filmin loqosunun müəllifi 103 yaşında vəfat etdi

15:45 18 avqust 2025
Əsərləri “kağızdan ucaldılmış kafedral” adlandırılan, daim borc içində çabalayan  yazıçı  - Balzak niyə mütəmadi məzarlıqda gəzişirdi?

Əsərləri “kağızdan ucaldılmış kafedral” adlandırılan, daim borc içində çabalayan yazıçı - Balzak niyə mütəmadi məzarlıqda gəzişirdi?

15:00 18 avqust 2025
"Sən gedəndən anam..." - Nuran Yaqub

"Sən gedəndən anam..." - Nuran Yaqub

14:50 18 avqust 2025
“Baku Cinema Breeze” Beynəlxalq Film Festivalı keçiriləcək

“Baku Cinema Breeze” Beynəlxalq Film Festivalı keçiriləcək

14:32 18 avqust 2025
Ana səhifə Yazarlar Bütün xəbərlər