Rusiyanın Kostroma vilayətinin Kostroma şəhər "Məktəb teatrı" studiyası azərbaycanlı yazıçı Vüqar Haqverdiyevin “Qarınqulu ayı balası” pyesi əsasında hazırladıqları eyniadlı tamaşanın premyerasını təqdim edib.
Kulis.az xəbər verir ki, premyera ötən ay teatr studiyasının mənsub olduğu 44 nömrəli orta məktəbdə baş tutub.
Məktəb uşaqlarının ifasında hazırlanmış səhnə əsəri ibtidai sinif şagirdləri tərəfindən böyük sevinclə və alqışlarla qarşılanıb.
Teatrın rəhbəri rejissor Natalia Malovanın quruluş verdiyi sözügedən tamaşa Kostroma vilayətinin Mədəniyyət Departamentinin “Yosif Kobzon adına Vilayət Xalq Yaradıcılığı Evi” tərəfindən keçirilən II Dünya Müharibəsindəki Qələbənin 80 illiyinə həsr olunmuş XVII Həvəskar Teatr Kollektivlərinin “Teatr Görüşləri” Regionlararası Festival-Müsabiqəsində də nümayış olunub və Festivalın III dərəcəli diplomuna layiq görülüb.
Qeyd edək ki, təkcə may ayı ərzində Rusiyanın müxtəlif şəhərlərində “Qarınqulu ayı balası” pyesi əsasında ayrı-ayrı teatrlarda hazırlanmış dörd fərqli tamaşanın premyerası baş tutub.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
