Rusiyada fəaliyyət göstərən kinoteatrların sayı azalıb.

Kulis.az “gazeta.ru”ya istinadən xəbər verir ki, Kino Sahibləri Assosiasiyasının (AVK) statistikasına əsasən Rusiyada fəaliyyət göstərən kinoteatrların sayı üçdə birdən çox azalıb.

Statistikaya görə, buna səbəb Rusiya kinoteatrlarında tamaşaçı sayının az olmasıdır. Beləliklə, iyunun əvvəlində həftə içi gündə ən azı bir tamaşa göstərən kinozalların sayı 2022-ci ilin əvvəli ilə müqayisədə üçdə birdən çox az olub. Məsələn, iyunun 6-da bu göstəricinin azalması bu il yanvarın 5-də olan 5,7 min kinoteatra qarşı 3,6 min zalda 36% təşkil edib. Eyni zamanda, həftəsonu göstərici daha az nəzərə çarpan azalma göstərir – 4 və 5 iyunda yanvar ayı ilə müqayisədə 21% təşkil edib.

Kinoteatrların mövcud vəziyyətə düşməsinə bir ayrı səbəb isə “Warner Bros”, “Universal”, “ Disney ”, “Sony” və “Paramount” kimi Hollivud studiyalarının mart ayından etibarən Rusiyada filmlərin yayımını dayandırmasıdır. Bunun fonunda gəlirlərin və davamiyyətin azalması da kəskinləşir. Assosiasiyanın məlumatına görə, mayın 30-dan iyunun 5-dək olan həftə ərzində 2021-ci ilin orta həftəlik göstəricisi ilə müqayisədə kinoteatrın gəliri 63% azalaraq 681,4 milyon rubla, tamaşaçıların sayı 57% azalaraq 1,2 milyon nəfərə düşüb.

Bununla belə, Cinema Park və Formula Kino birləşmiş şəbəkəsinin nümayəndəsi məsələ ilə bağlı müsahibəsində bildirib ki, fəaliyyət göstərən kinoteatrların sayının azaldılması statistikası onların tamamilə bağlanması və ya konservasiyası demək deyil.

Onun sözlərinə görə, kinoteatrlardan gələn gəlir 2021-ci ilin iyun ayı ilə müqayisədə iki dəfədən çox azalsa da, cəmi iki kinoteatr bağlanıb.

• Emi Karlonun Bakıdakı aparıcı media qurumlarının nümayəndələri ilə görüşü
• Mir Cəfər Bağırovun 100-cu otaqda qətlə yetirdiyi cümhuriyyət naziri - Gürcü inqilabçı onu niyə qoruyurdu?
• Xalq artisti Alim Qasımovla Üzeyir Mehdizadənin dueti - “Nəyindən narahatsan”