Media

Roma Papasının məktub göndərdiyi azərbaycanlı heykəltəraş vəfat etdi

Əməkdar rəssam Zeynalabdin İsgəndərov

Əməkdar rəssam Zeynalabdin İsgəndərov

27 oktyabr 2021
# 12:32

Tanınmış heykəltəraş, Azərbaycan Respublikasının əməkdar rəssamı Zeynalabdin İsgəndərov vəfat edib.

Bu barədə Kulis.az-a onun tələbələri məlumat veriblər.

Bildirilib ki, Zeynalabdin İsgəndərov təxminən bir ay öncə infarkt keçiribmiş. Heykəltəraş dünən Bakıda haqq dünyasına qovuşub.

Qeyd edək ki, mərhum Zeynalabdin İsgəndərov 2016-cı ildə Roma Papası Fransiskonun portretini hazırlamaqla dünya mediasının diqqətini cəlb etmişdi.

Həmin portretə görə Roma Papası Fransisko özü azərbaycanlı heykəltəraşa təşəkkür məktubu göndərmişdi.

Zeynalabdin İsgəndərov 1949-cu ildə Bakıda dünyaya gəlib. Əvvəlcə Əzim Əzimzadə adına Bakı Rəssamlıq Məktəbinin Heykəltəraşlıq fakültəsinə daxil olub, 1966–1970-ci illərdə burada təhsil alıb. 1971–1977-ci illərdə o, V.I.Surikov adına Moskva Dövlət Rəssamlıq İnstitutunda təhsilini davam etdirib. Burada təhsil aldığı dövrdə məşhur heykəltəraş, SSRİ Rəssamlıq Akademiyasının rektoru Nikolay Tomskinin emalatxanasında çalışıb.

1977-ci ildə Bakıya qayıdan Z.İsgəndərov həm yaradıcılıqla məşğul olub, həm də bu sənətdən dərs deməyə başlayıb. O, Azərbaycan Dövlət Rəssamlıq Akademiyasının professoru idi

Ailəli idi, Əli və Həsən adlı 2 oğlu var. Hər ikisi rəssamdır. Onlar da rəssam təhsili alıblar.

Zeynalabdin İsgəndərov Sara Qədimova, Lətif Kərimov, Mikayıl Abdullayev, Maral Rəhmanzadə, Leyla Bədirbəyli, Emin Sabitoğlu, Möhsün Sənani və başqa görkəmli şəxsiyyətlərin qəbirüstü abidələrini, barelyeflərini hazırlayıb.

Allah rəhmət eləsin...

Kulis.az
Kulis.az
# 3285 dəfə oxunub

Oxşar xəbərlər

“HarperCollins” yeni nəşriyyat markası yaradır – Romantik romanlar üçün istiqamət

“HarperCollins” yeni nəşriyyat markası yaradır – Romantik romanlar üçün istiqamət

15:00 27 oktyabr 2026
1600 illik Roma sənətinin sirri açıldı – Alimlər rəngini dəyişən şüşəni yenidən hazırladılar

1600 illik Roma sənətinin sirri açıldı – Alimlər rəngini dəyişən şüşəni yenidən hazırladılar

14:30 27 oktyabr 2026
"Evliliyin əvvəli və sonu möhtəşəm, lakin ortası cəhənnəmdir..." - Enid Baqnolddan sitatlar

"Evliliyin əvvəli və sonu möhtəşəm, lakin ortası cəhənnəmdir..." - Enid Baqnolddan sitatlar

14:00 27 oktyabr 2026
Qırğızıstan rəsmisi: "Bişkeklə Bakı arasında mədəni və humanitar əlaqələr möhkəmlənir"

Qırğızıstan rəsmisi: "Bişkeklə Bakı arasında mədəni və humanitar əlaqələr möhkəmlənir"

13:40 27 oktyabr 2026
Özbəkistanın mədəniyyət naziri: "Bakı forumu beynəlxalq əməkdaşlıq üçün mühüm platformadır"

Özbəkistanın mədəniyyət naziri: "Bakı forumu beynəlxalq əməkdaşlıq üçün mühüm platformadır"

13:31 27 oktyabr 2026
Məşhur memarlıq nümunəsinin qorunması üçün 10 milyon dollar ayrıldı

Məşhur memarlıq nümunəsinin qorunması üçün 10 milyon dollar ayrıldı

13:30 27 oktyabr 2026
#
#
Ana səhifə Reels Yazarlar Xəbərlər