Puerto Rikalı dünyaşöhrətli müğənni Riki Martin Gürcüstanda baş tutacaq konsertini çıxışına bir gün qalmış ləğv edib.
Kulis.az xəbər verir ki, bu barədə TASS agentliyi məlumat yayıb.
Müğənni şounu təşkilatçılara məlum olmayan səbəbdən təxirə salıb.
Qeyd edək ki, konsert sabah — iyulun 16-da Tbilisinin yaxınlığındakı Rustavi şəhərinin avtodrom meydançasında keçirilməli idi. Təşkilatçılar qəfil qərarın detallarından xəbərsiz olduqlarını bildiriblər.
Monteneqrodakı dəhşətli insident: Qaz hücumu və izdiham
Xatırladaq ki, sənətçinin konsertlərində son vaxtlar xoşagəlməz hadisələr yaşanır. May ayında "SHOT" Telegram kanalı Riki Martinin Monteneqroda baş tutan konsertində gözyaşardıcı qazın püskürdülməsi nəticəsində onlarla tamaşaçının zərər çəkdiyi barədə məlumat yaymışdı.
Hadisə mayın 21-də Podqoritsa şəhərindəki çıxış zamanı baş vermişdi. Naməlum şəxs qəfildən səhnənin yaxınlığında qaz püskürdüb. Nəticədə, tamaşaçıların nəfəs alması çətinləşib, gözlərində kəskin ağrı, yanğı və yaşarma yaranıb, qıcıqlandırıcı öskürək başlayıb.
Təşvişə düşən pərəstişkarlar səhnədən uzaqlaşmağa çalışarkən zalda dəhşətli izdiham yaranıb, insanlar ayaq üstə dura bilməyiblər. Məkanın çıxışında zərərçəkənləri təcili tibbi yardım maşınları gözləyib, konsertə gələn bəzi tamaşaçılar isə ağır vəziyyətdə xəstəxanaya yerləşdirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər