Qulu Ağsəs haqqında yeni kitab - "Üşüyəndə özünü yandıran şair"

Qulu Ağsəs haqqında yeni kitab - "Üşüyəndə özünü yandıran şair"
6 iyun 2024
# 11:30

Şair-publisist, Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü Təranə Dəmirin “Üşüyəndə özünü yandıran şair” adlı kitabı çap olunub.

Kulis.az xəbər verir ki, kitabda tanınmış şair, “Ulduz” jurnalının baş redaktoru Qulu Ağsəsin yaradıcılığının və fəaliyyətinin müxtəlif istiqamətlərindən bəhs edən yeddi məqalə toplanıb.

“Üşüyəndə özünü yandıran şair”, "Qulu Ağsəs, Tanrı və söz", “Ulduz”un Qulu Ağsəs dönəmi”, “55 illik dostuma”, “Qulu Ağsəs və İlahi eşq!”, “Sözü özünə bənzəyən şair”, “Qulu Ağsəsin savaşdan çıxan şeirləri” adlı məqalələrdə müəllif Qulu Ağsəsin şeirlərinin məzmunu və bədii məziyyətləri barədə fikirlərini dolğun şəkildə ifadə edib.

Oxucu kütləsinə təqdim olunan kitabda Qulu Ağsəsin insani xüsusiyyətləri, şeirlərində olduğu qədər səmimi münasibəti və iş prinsipləri də diqqətə çatdırılıb.

Kitabın redaktoru AYB və AJB-nin üzvü Nəzirməmməd Zöhrablıdır. O, “Səmimiyyət dolu sətirlər” adlı ön sözdə "Üşüyəndə özünü yandıran şair" adlı nəşrin maraqlı tərtibatı, məqalələrin səmimiyyəti və Qulu Ağsəs yaradıcılığının yüksək keyfiyyətləri barədə söhbət açıb.

Qeyd edək ki, indiyə qədər Təranə Dəmirin "Uzaqlar", "Daş arzular", "Payız qadın", "Sıfırdan əvvəl", "Səssizliyin melodiyası", "25-ci saat" adlı şeir kitabları və "Cəhənnəmdən gələn İşıq" adlı povest və hekayələr kitabı işıq üzü görüb. "Üşüyəndə özünü yandıran şair" müəllifin sayca səkkizinci kitabıdır.

# 732 dəfə oxunub

Oxşar xəbərlər

Məşhur aktyor vəfat etdi

Məşhur aktyor vəfat etdi

15:18 23 oktyabr 2024
Ehtiram Hüseynov konservatoriyadakı işindən çıxdı

Ehtiram Hüseynov konservatoriyadakı işindən çıxdı

14:35 23 oktyabr 2024
“Aşıq dastanları”nın ikinci cildi nəşrə hazırlanır

“Aşıq dastanları”nın ikinci cildi nəşrə hazırlanır

13:20 23 oktyabr 2024
Hamı bu məşhur kitabları yarımçıq oxuyub - Siyahı

Hamı bu məşhur kitabları yarımçıq oxuyub - Siyahı

12:46 23 oktyabr 2024
“Tanrı quşu gəlmədi” - Premyera

“Tanrı quşu gəlmədi” - Premyera

11:47 23 oktyabr 2024
Aktyor və xanımı Bakıda  qətlə yetirildi

Aktyor və xanımı Bakıda qətlə yetirildi

10:18 23 oktyabr 2024
# # #