Azərbaycan filmlərinin 98-ci Oskar mükafatına təqdimat komissiyası öz işinə start verir.
Kulis.az xəbər verir ki, beynəlxalq film, əsasən (50%-dən çox), qeyri-ingilis dilində olan ABŞ və onun hüdudlarından kənarda istehsal edilmiş tammetrajlı film (40 dəqiqədən çox) hesab edilir. Animasiya, sənədli və bədii filmlərin qəbulu məqbul hesab edilir.
Rəsmi hesab edilən seçim komitələri “Beynəlxalq tammetrajlı film” kateqoriyasına baxılmaq üçün yalnız bir filmi təqdim edə bilərlər.
Ölkə tərəfindən seçilmiş film ilk dəfə istehsal olunduğu ölkədə yayımlanmalı və 1 oktyabr 2024-cü il və 30 sentyabr 2025-ci il tarixlərindən gec olmayaraq, ən azı yeddi gün ardıcıl olaraq prokatda olmalıdır.
Filmlərin kino nümayişi üçün uyğunluğunu asanlaşdırmaq məqsədilə, Akademiya onların istehsal olunduğu ölkədən kənarda da prokata çıxmasına icazə verir. Şərt ondan ibarətdir ki, film, ABŞ və onun əraziləri xaricində yerləşən kommersiya kinoteatrında, ödənişli şəkildə və ardıcıl olaraq azı yeddi gün nümayiş etdirilsin.
Filmlər DVD və ya fleşkardda Azərbaycan Kinematoqrafçılar İttifaqına təqdim olunmalıdır.
Qeyd edək ki, son tarix 15 iyul 2025-ci ildir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər