Azərbaycan Respublikasının İnsan Hüquqları üzrə Müvəkkili (Ombudsman) Aparatında Azərbaycan Respublikasının Xalq şairi Vahid Əziz ilə görüş keçirilib.
Kulis.az xəbər verir ki, görüş zamanı Ombudsman Səbinə Əliyeva görüşün keçirilməsindən məmnunluğunu ifadə edərək, müasir Azərbaycan ədəbiyyatının tanınmış şairlərindən biri olan Vahid Əzizin əsərlərinin geniş oxucu kütləsi tərəfindən sevildiyini bildirib, ona bundan sonrakı fəaliyyətində də yaradıcılıq uğurları arzulayıb.
Ombudsman milli-mənəvi dəyərlərin təbliğinin daim dövlətimizin diqqət mərkəzində saxlanıldığını, Ulu Öndər Heydər Əliyevin Azərbaycan ədəbiyyatına, mədəniyyətinə göstərdiyi ali qayğının bu gün ölkə Prezidenti İlham Əliyev tərəfindən uğurla davam etdirildiyini bildirib, eləcə də Birinci vitse-prezident Mehriban Əliyevanın milli-mənəvi dəyərlərimizin, qeyri-maddi mədəni irsin qorunub saxlanılması və inkişafı istiqamətində gördüyü genişmiqyaslı işlərin bugünkü və gələcək nəsillərimiz üçün faydasından danışıb.
Xalq şairi Vahid Əziz öz növbəsində səmimi görüşün təşkilinə görə Ombudsman Səbinə Əliyevaya minnətdarlığını bildirib, bu cür görüşlərin ənənəyə çevrilməsinin, müxtəlif sahələrdə çalışan insanlara, elm, mədəniyyət və incəsənət xadimlərinə göstərilən diqqətin onların gələcək fəaliyyətində stimul yaratdığını qeyd edib.
Yekunda Vahid Əziz görüş iştirakçıları üçün seçilmiş şeirlərini səsləndirib, maraqlı fikir mübadiləsi aparılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər