Nizami Gəncəvinin yeni kitabı çap edildi

Nizami Gəncəvinin yeni kitabı çap edildi
4 oktyabr 2022
# 17:00

Beynəlxalq Türk Mədəniyyəti və İrsi Fondu Nizami Gəncəvinin yeni kitabını nəşr edib

Kulis.az xəbər verir ki, Beynəlxalq Türk Mədəniyyəti və İrsi Fondu türk mədəniyyətinin təbliği istiqamətində çoxsaylı layihələr həyata keçirir. Fondun növbəti layihəsi “Uşaqların Nizami Gəncəvi dünyası” adlı kitabın nəşridir.

Kitabda Türk Dünyasının böyük mütəffəkkiri, dahi Azərbaycan şairi Nizami Gəncəvinin əsərlərinin uşaqlar üçün müxtəlif illərdə işlənmiş variantları yer alıb. Abdulla Şaiq, Mir Cəlal, Mirmehdi Seyidzadə, Mikayıl Rzaquluzadə və digər görkəmli ədiblərin ərsəyə gətirdiyi bu nümunələr “Xəmsə”dəki yüksək insani xüsusiyyətlərin tərənnüm olunduğu tərbiyəvi əhəmiyyətə malik əsərləri uşaqlara daha anlaşıqlı şəkildə təqdim edir.

Nəşr layihəsin rəhbəri və kitabın ön sözünün müəllifi Beynəlxalq Türk Mədəniyyəti və İrsi Fondunun prezidenti Günay Əfəndiyevadır. Nəşrin redaktoru Fərid Hüseyn, məsləhətçisi Səlim Babullaoğludur.

Türk xalqlarının zəngin ədəbiyyat xəzinəsinə, musiqisinə, incəsənətinə töhfə vermiş dahi şəxsiyyətlərin dünya miqyasında tanıdılması yönündə fəaliyyət göstərən Beynəlxalq Türk Mədəniyyəti və İrsi Fondu, Nizami Gəncəvi irsinin daha dərindən öyrənilməsi və geniş auditoriyalara çatdırılması istiqamətində müxtəlif dillərdə kitablar nəşr etmiş, böyük mütəfəkkirə həsr olunmuş tədbirlər həyata keçirmişdir. Uşaqların ixtiyarına verilən bu kitab Türk

Dünyasının milli-mənəvi dəyərlərini, eləcə də əcdadlarımızdan bizlərə miras qalan əxlaqi keyfiyyətləri müasir dövrdə yetişən yeni nəsillərə aşılamaq məqsədi daşıyır.

Qeyd edək ki, topluda Nizaminin “Sehirli üzük”, “İki rəssam”, “İlin fəsilləri”, “İsgəndər və çoban”, “Süleyman və əkinçi”, “Zalım padşah və qoca”, “Kərpickəsən qoca”, “Bülbül və qızılquş”, “Xeyir və Şər”, “Nurşirəvan və bayquşların söhbəti” və digər məşhur əsərləri yer almışdır.

# 5229 dəfə oxunub

Oxşar xəbərlər

Rusiyalı model vəfat etdi

Rusiyalı model vəfat etdi

18:43 17 noyabr 2026
Göbəklitəpənin tarixi mirasını miqrant uşaqların taleyi ilə birləşdirən film təqdim olundu

Göbəklitəpənin tarixi mirasını miqrant uşaqların taleyi ilə birləşdirən film təqdim olundu

18:02 17 noyabr 2026
Tural Turan beynəlxalq mükafata layiq görüldü

Tural Turan beynəlxalq mükafata layiq görüldü

17:32 17 noyabr 2026
Gənc aktrisa vəfat etdi

Gənc aktrisa vəfat etdi

17:14 17 noyabr 2026
Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara

16:39 17 noyabr 2026
"İndiki övladlar valideynlərinə bankomat kimi baxırlar" - Seyran Səxavətlə müsahibə

"İndiki övladlar valideynlərinə bankomat kimi baxırlar" - Seyran Səxavətlə müsahibə

16:22 17 noyabr 2026
#
#
Ana səhifə Reels Yazarlar Xəbərlər