"Netflix"ə ağr ittiham - "Squid Game" plagiatdır!

"Netflix"ə ağr ittiham - "Squid Game" plagiatdır!
17 sentyabr 2024
# 09:47

Hindistanlı rejissor Soham Şah striminq platforması "Netflix"i məhkəməyə verib və "The Squid Game" serialının yaradıcılarını plagiatçılıqa ittiham edib.

Kulis.az xəbər verir ki, Şahın iddiasına görə, "The Squid Game" onun 2009-cu ildə çəkdiyi "Uğur” filminin plagiatıdır.

Onun fikrincə, serialdakı personajlar və baş verən hadisələr onun lentinin süjetinin surətidir. Rejissor "Netflix" platformasının onun müəllif hüququnu pozduğunu bildirib. O, dəymiş ziyanın ödənilməsini və hətta "Squid Game"nin nümayişinə qadağa qoyulmasını tələb edir. İstədiyini əldə etmək üçün Soham Şah Nyu York federal məhkəməsində iddia qaldırıb.

"The Squid Game"dəki əsas süjet, personajlar, mövzular, əhval-ruhiyyə, quruluş və hadisələrin ardıcıllığı "Uğur"la heyrətamiz dərəcədə oxşardır. Bu, hər hansı bir təsadüf ehtimalını istisna edir", deyə o, iddiasında qeyd edir.

Şahın "Uğur" filmi hind dilində çəkilib. Böyük məbləğdə borcu olan ümidsiz insanların hekayəsini təsvir edir. Borcları ödəmək üçün onlar yarışlarda iştirak etməyə razılaşırlar, qələbə üçün onlara pul vəd edilir. Müsabiqə zamanı iştirakçılar uduzmağın ölüm demək olduğunu öyrənirlər.

"The Squid Game"də tamaşaçılar böyük pullar müqabilində oyun oynamağa razılaşan böyük bir qrup insanla qarşılaşırlar. Tezliklə məlum olur ki, vəd edilən qazanc göründüyü qədər sadə deyil.

"Netflix" nümayəndələri rejissorun tənqidinə cavab veriblər. Onlar əmin ediblər ki, onun plagiat ittihamları əsassız və yalandır:

"Bu bəyanatın heç bir əsası yoxdur. "The Squid Game"ni Hvanq Donq-hyeok yazıb və biz layihəni ciddi şəkildə müdafiə etmək niyyətindəyik".

Qeyd edək ki, serialın premyerası 2021-ci ilin sentyabrında baş tutub. İkinci sezonun buraxılışı bu il dekabrın 26-da gözlənilir. 2025-ci ildə çıxacaq və onun sonuncusu olacaq "Squid Game"nin üçüncü sezonunun davamının olacağı da məlumdur.

# 1019 dəfə oxunub

Oxşar xəbərlər

Qədim gil tabletlər İraqa qaytarıldı

Qədim gil tabletlər İraqa qaytarıldı

18:20 30 iyun 2025
Sezen Aksu Süni İntellektlə  klip çəkdirdi

Sezen Aksu Süni İntellektlə klip çəkdirdi

18:00 30 iyun 2025
Elariz Məmmədoğlunun qızı  həyat yoldaşının məhkəməsində ifadə verdi

Elariz Məmmədoğlunun qızı həyat yoldaşının məhkəməsində ifadə verdi

16:15 30 iyun 2025
“Aktyorluğu öyrən”  layihəsi çərçivəsində diplom tamaşalarının nümayişi baş tutdu

“Aktyorluğu öyrən” layihəsi çərçivəsində diplom tamaşalarının nümayişi baş tutdu

16:10 30 iyun 2025
“Sürətli və qəzəbli”nin yeni filmi çəkiləcək

“Sürətli və qəzəbli”nin yeni filmi çəkiləcək

16:05 30 iyun 2025
Onları bir-bir sorğu-sual etmək lazımdır! - Kömək istəyən Cümşüdün ölümünün günahı kimdədir?

Onları bir-bir sorğu-sual etmək lazımdır! - Kömək istəyən Cümşüdün ölümünün günahı kimdədir?

15:13 30 iyun 2025
#
#
# # #