Nərgiz Məhəmmədiyə “Yazı Azadlığı” mükafatı veriləcək

Media

Ana səhifə
Media

Nərgiz Məhəmmədiyə “Yazı Azadlığı” mükafatı veriləcək

16 may 2023

17:00

İranda həbsdə olan hüquq müdafiəçisi və media fəalı Nərgiz Məhəmmədiyə “Yazı Azadlığı” mükafatı təqdim ediləcək.

Kulis.az xəbər verir ki, bu barədə ABŞ Qələm Assosiasiyasının baş direktoru Suzan Nasel məlumat yayıb.

Məlumata görə, mayın 18-də Amerika Təbiət Tarixi Muzeyində keçiriləcək mərasimdə mükafat jurnalist və vətəndaş fəalı, Nərgiz Məhəmmədinin Fransada yaşayan həyat yoldaşı Tağı Rəhmaniyə təqdim ediləcək.

“Nərgiz Məhəmmədi İran hökumətinin onu susdurmaq üçün qəti cəhdlərinə qarşı göstərdiyi cəsarət və sarsılmaz müqaviməti ilə bütün dünya üçün ilham mənbəyidir”, - deyə Nasel bildirib.

Qeyd edək ki, əslən Güney Azərbaycanın Zəncan şəhərindən olan Nərgiz Məhəmmədi hazırda Tehranın Evin zindanında saxlanılır.