Hollivud ulduzu Kevin Speysi son günlər mediada yayılan evsiz qalması barədə xəbərlərin təhrif olunduğunu bildirib.
Kulis.az xəbər verir ki, 66 yaşlı aktyor sosial şəbəkədə paylaşım edərək sözlərinin kontekstdən çıxarıldığını vurğulayıb.
O, hazırda çətin dövr yaşadığını, lakin kirayədə və ya hotellərdə qaldığını qeyd edib:
"Küçələrdə, öz maşınlarında yaşayan, həqiqətən ağır maddi vəziyyətdə olan çox sayda insan var. Onlar üçün çox narahatam. Lakin onlardan biri deyiləm. Mən özümü onlarla bir tutmağa çalışmamışam. Məqalənin kliklərin sayını artırmaq üçün mətnin mahiyyətini təhrif edilərək yayılması məni çox utandırır. Buna görə pərəstişkarlarımdan üzr istəyirəm".
Xatırladaq ki, 2017-ci ildən bəri Kevin Speysiyə qarşı ondan çox seksual xarakterli təcavüz ittihamı irəli sürülüb. ABŞ-də 2022-ci, Londonda isə 2023-cü ildə bəraət alsa da, aktyorun Hollivud karyerası ciddi şəkildə zəifləyib.
Son illər Speysi əsasən gənc rejissorların aşağı büdcəli filmlərində və Kiprdə təşkil olunan şou proqramlarda yer alıb. Bununla belə, aktyor yenidən böyük ekrana qayıda biləcəyinə ümid etdiyini deyir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər