Salyan Mərkəzləşdirilmiş Kitabxana Sistemi və "Ana Kür" ədəbi məclisinin təşkilatçılığı ilə Vətən müharibəsi qazisi, gənc şair Həsən Kürün xatirəsinə həsr olunan "Mən burda yaxşıyam, sən də yaxşı ol" adlı ədəbi-bədii gecə keçirilib.

Kulis.az xəbər verir ki, tədbirdə Şirvan-Salyan Regional Mədəniyyət İdarəsinin Salyan rayonu üzrə nümayəndəsi, baş məsləhətçi Şamxal Əhmədov, Salyan rayon icra hakimiyyətinin ictimai-siyasi və humanitar məsələlər şöbəsinin müdir müavini Məhərrəm Məmmədov, Yazıçılar Birliyi Muğan bölməsinin sədri Nəbi İbrahimli, şair-publisist Zabil Pərviz, "Ana Kür" ədəbi məclisinin sədri, şair Firdovsi Sarvanlı, ARB Televiziyasının əməkdaşı, rejissor Kürçaylı Məmmədov, Mərkəzi Kitabxananın direktoru Səidə Əliyeva və başqaları çıxış edərək, Həsən Kürün yaradıcılığından, kitabxanada yaratdığı "Xəlil Rza Ulutürk" dərnəyinin fəaliyyətindən söhbət açıb, onunla bağlı xatirələrini bölüşüblər: "Həsən Kürün vətən eşqi, torpaq sevgisi uşaq yaşlarından özünü göstərib, o, hələ həmin dövrdən şeir yazmağa başlayıb. Şeirlərinin böyük bir hissəsi vətənpərvərlik mövzusunda olub. Onun vətənpərvərlik hisslərinin formalaşmasında I Qarabağ müharibəsində şəhid olmuş dayısı Abbas Həsənov mühüm rol oynayıb. Bu hadisə gənc Həsənin dünyagörüşünə dərin təsir göstərib və onu gələcəkdə Vətən uğrunda mübarizəyə qoşulmağa ruhlandırıb. O, 2016-cı ildə aprel döyüşlərinə könüllü yazılıb, daha sonra 2020-ci ilin sentyabrında başlanan 44 günlük Vətən müharibəsində iştirak edib".

Qeyd edək ki, şairin həyat və yaradıcılığını əks etdirən videoçarx nümayiş olunub.

• Xalq artisti Tofiq Bakıxanov vəfat etdi
• Portuqaliyanın məşhur qorxu film festivalı başladı
• "Sevirsənsə, son həddinə qədər sev..." - ABŞ yazıçısından sitatlar