Azərbaycanın görkəmli şairi, “altmışıncılar” ədəbi nəslinin parlaq siması, professor Məmməd İsmayılın 85 illik yubileyi qeyd olunacaq.

Kulis.az xəbər verir ki, tədbir oktyabrın 23-ü, saat 17:00-da Beynəlxalq Muğam Mərkəzində keçiriləcək.

Qeyd edək ki, Məmməd İsmayıl 1939-cu ilin noyabr ayının 1-i anadan olub.

O, 1966-1973-cü illərdə "Azərbaycan Dövlət Radio və Televiziya" komitəsində redaktor, böyük redaktor, şöbə müdiri, 1975-1976-cı illərdə "Ədəbiyyat və incəsənət" qəzetində müxbir, 1976-1980-ci illərdə "Cəfər Cabbarlı adına Azərbaycanfilm" studiyasının Elmi-kütləvi sənədli filmlər birliyində baş redaktor, 1980-1983-cü illərdə "Yazıçı" nəşriyyatında şöbə müdiri və baş redaktorun müavini, 1983-1987-ci illərdə "İşıq" nəşriyyatının direktoru, 1983-1992-ci illərdə Respublika Komsomolu Mərkəzi Komitəsi nəzdində gənc yazıçıların Respublika "Gənclik Ədəbi Birliyi"nin rəhbəri, 1988-1992-ci illərdə "Gənclik-Molodost" jurnallarının baş redaktoru, 1992-1993-cü illərdə "Azərbaycan Televiziya və Radio Verilişləri" komitəsinin sədri vəzifələrində çalışıb. Bədii yaradıcılıqla yanaşı, Məmməd İsmayıl uzun illər Türkiyədə elmi-pedaqoji fəaliyyətlə məşğul olub, professor dərəcəsinə qədər yüksəlib.

• Dilimiz, qeyrətimiz, vətənimiz... - Şahın son vəsiyyəti
• Bu gün IX “Muğam” Televiziya Müsabiqəsi Ağdamda keçiriləcək
• "Bu məmləkətin şairləri susub..." - Günel Mehri