"Hətta Laçın şəhərində də mədəniyyət xadimləri üçün ev tikilir. O siyahıda belə adım yoxdur. Bildiriblər ki, İlham Qəhərman ev alıb. Bu da mənim şəxsi nüfuzuma zərbədir..."

Kulis.az bu sözləri şair İlham Qəhrəman deyib.

"Yazıçılar Birliyinin ictimai nüfuzuna ziyan vuran, onların şərəf və ləyaqətini alçaldan yazı" ittihamı ilə məhkəməyə verilən şairin sözlərinə görə, qərara əsasən, o 5000 manat ödəməldir:

"Yazıçılar Birliyinin ictimai nüfuzuna ziyan dəydiyinə, onların şərəf və ləyaqətini alçatdığım üçün mən saytlardan yazıları sildirməli, üzürxahlıq etməli, eyni zamanda, 5000 manat təzminat ödəməliyəm. Mənim yazımdan yeddi fraqment iddia çıxardıblar. Həmin yeddi fraqmentdən Rəşad Məcidin, Anarın müşaviri Raufun və dörd fraqment də Anarın özünün şərəf və ləyaqətinin alçaldılması bölməsi var. Mayın 15-də - ikinci məhkəmədən sonra məlum oldu ki, bu yeddi fraqmentdən, sadəcə, dördü qalıb. Rəşad Məcid və Rauf iddialarını geri götürüb. Amma geri götürdükləri qeyd olunmayıb. Vəkil bildirdi ki, İlham Qəhrəman bu dörd iddia üzrə 5000 manat, məhkəməyə isə 100 manat ödəsin və üzr istəsin. İkinci məhkəmədə qarşı tərəfdə heç kəs iştirak etmədi. Burada iştirak vacib deyildi."

İlham Qəhrəman qeyd edib ki, AYB-nin nəzərdə tutduğu evin sənədləri ona verilməyib:

"Anar müsahibəsində bildirib ki, İlham Qəhrəman AYB-dən bir dəfə ev alıb. Mən də teleqram yazdım ki, xahiş edirəm, mənə verilən evin sənədləri rəsmi qaydada özümə verilsin. 2005-ci ildən ev növbəsinə durmuşam. Və həmin müddətdən sonra AYB-dən verilən bütün evlərin siyahısını tələb edirəm. Eyni zamanda 2014-cü ildə dörd nəfərə verilən o evin də siyahısını tələb edirəm. O vaxt bizə mənzil şəraitinin yaxşılaşdırılması məqsədi ilə 25.000 pul verildi. Siyahıda da mən, Xanəmir, Dəyanət və Qəşəm Nəcəfzadə olmuşuq. 22 martda məktubu göndərmişəm və mənə cavab gəlib ki, sizin məktubunuz ünvana çatdırılıb, amma məktubu özünə heç bir cavab verilmədi. Əgər ev almışamsa, gətirsin, sənədlərimi versin..."

Qeyd edək ki, növbəti məhkəmə prosesi mayın 30-da keçiriləcək.

• Azərbaycanda şəhərsalma modeli: Sovet planlaşması fonunda milli memarlıq ənənələrinin qorunması - ARAŞDIRMA
• Bakıda tatar şairi Qabdulla Tukayın 140 illiyi qeyd olundu
• Heydər Əliyevin anadan olmasının 103-cü ildönümü qeyd edildi