Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz

Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
20 yanvar 2023
# 13:00

Bu gün 1990-cı il yanvarın 19-da Bakıda baş verən qanlı hadisələr zamanı şəhid olmuş Larisə Məmmədovanın doğum günüdür. Kulis.az 13 yaşlı məktəbli haqqında diqqətçəkən faktları təqdim edir.

Larisa Fərman qızı Məmmədova 11 avqust 1977-ci ildə Bakı şəhərində anadan olub.

***

Larisanın atası Fərman Ukraynada hərbi xidmətdə olanda Qalina adlı qadınla tanış olur. Hərbi xidməti başa vurandan sonra onunla ailə qurub Bakıya gəlir. Bu evlilikdən onların iki qızı, bir oğlu olur.

Larisa isə Ukraynada anadan olur, elə adını da orada ona qoyurlar. Ancaq o, böyüdükcə adından narazılıq edir. Larisa rus adı olduğu üçün məktəbdə uşaqlar ona pis baxırlar. O, anasına deyir ki, ana nahaq mənə bu adı qoymusunuz. Məktəbi bitirənən sonra pasport alanda adımı dəyişib Leyla edəcəm.

***

Larisa orta məktəbi yaxşı qiymətlərlə oxuyub. Orta məktəblə yanaşı o, piano dərsləri də alıb. Ən böyük arzusu da böyüyəndə piano müəllimi olmaq olub. O, həmçinin toxuculuğu və rəssamlığı da öyrənib. Hətta balaca qardaş və bacısına geyim də toxuyub.

1990-cı il yanvarın 19-da axşam vaxtlarında Larisanın atası şəhərdəki hay-küyü eşidir. Həyat yoldaşına deyir ki, avtobusu narahat yerdə saxlamışam, gedim onu götürüb gəlim.

***

Atası evdən çıxarkən Larisa atasından əl çəkmir, onunla getmək istədiyini bildirir. Anası nə qədər etiraz etsə də, o, razılaşmayıb təzə paltarlarını geyinərək onunla gedir.

***

Həmin gecə həyat yoldaşından və qızından heç bir soraq ala bilməyən Qalina xanım narahat olur. Ertəsi gün isə xəbər gəlir ki, şəhərdə baş verən hadisələr zamanı Fərman kişi ayağından yaralanıb. Larisa isə ürəyindən vurularaq 19 yanvar 1990-cı ildə 13 yaşında həyatını itirir.

Larisa Məmmədovanın adına Bakı şəhərində küçə yerləşir. Bəxtiyar Vahabzadə Larisa ilə bağlı "On üç yaşlı körpə bala" şeirini yazır.

***

Larisanın qırxı çıxanda onun qəbrinin üstünü götürüb mərmər edirlər. O, həmin gecə anasının yuxusuna girib, ona əl yelləyir və qəbrini göstərib deyir ki, ana, bura, daşlar, mərmər məni sıxır. Burada mənim üçün çox çətindir, ağırdı.

# 64308 dəfə oxunub

Oxşar xəbərlər

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
Xalq rəssamının oğlu vəfat etdi

Xalq rəssamının oğlu vəfat etdi

11:27 21 noyabr 2026
Ana səhifə Reels Yazarlar Xəbərlər