Kulis.az noyabrın 16-dan etibarən “İlin hekayəsi” müsabiqəsinə start verib.

Müsabiqəyə yalnız bu il dərc olunan və yaxud da, ümumiyyətlə, dərc olunmayan hekayələr göndərilə bilər. Əvvəlki illərdə çap olunmuş hekayələr müsabiqəyə qəbul edilməyəcək. İştirakçılar hekayə ilə birlikdə özləri haqqında məlumatı (ad, soyad, telefon və foto) [email protected] mail ünvanına göndərməlidirlər. Hər bir iştirakçı müsabiqəyə yalnız bir hekayə göndərə bilər.

– Mövzu və yaş məhdudiyyəti yoxdur.

– Mətnlər Word faylında göndərilməli, hekayələrin həcmi isə 30 min işarədən çox olmamalıdır.

– Hekayələrin qəbulu dekabr ayının 10-a qədər davam edəcək. Qeyd olunan tarixdən sonra göndərilən hekayələr müsabiqəyə qəbul edilməyəcək.

– Müsabiqə üçün göndərilən bütün hekayələr Kulis.az saytında yayımlanacaq. Sayt oxucularının online səsvermə ilə bir nəfəri qalib seçmək imkanı olacaq.

– Qalibləri Kulis.az-ın müəyyənləşdirdiyi 4 münsif seçəcək. Münsiflər heyəti müsabiqə qaliblərinin adının açıqlandığı mərasimdə bəlli olacaq.

Mükafatlar:

– I yerin qalibi – Notbuk və xüsusi hədiyyələr;
– II yerin qalibi – Smartfon və xüsusi hədiyyələr;
– III yerin qalibi – Poketbuk (planşet) və xüsusi hədiyyələrlə mükafatlandırılacaqlar.
– Kulis.az oxucuları tərəfindən seçiləcək hekayə müəllifi isə Smart saat və xüsusi hədiyyələrlə mükafatlandırılacaq.

Müsabiqə “İrşad” şirkətinin baş sponsorluğu, Mədəniyyət Nazirliyinin Kürdəmir Regional Mədəniyyət İdarəsinin, “LIBRAFF” kitab mağazaları şəbəkəsinin və “Pintravel” şirkətinin sponsorluğu ilə təşkil olunur.

Ədəbiyyata dəstək olan sponsorlarımıza təşəkkürlərimizi bildirir və bütün yazarları müsabiqədə iştirak etməyə dəvət edirik!

• Yüzlərlə sənətçi incəsənət yarmarkasında iştirak edəcək
• "Özüm üçün yaşamaq alnıma yazılmayıb..." - Gülxani Pənahın şeirləri
• Alim Qasımov: "Üzeyir Mehdizadə ilə duetimizin belə qarşılanacağını təxmin edirdim, ancaq..." - Müsahibə