"Xaç atası" filminin rejissoru Frensis Ford Koppolanın uzun müddətdir üzərində işlədiyi "Meqalopolis" filmi yekunlaşmaq üzrədir.

Kulis.az xəbər verir ki, səbirsizliklə gözlənilən filmin yeni treyleri böyük reaksiyalara səbəb olub.

Yayımlanan treylerdə məşhur kino tənqidçilərinin sitatları yer alıb, lakin sitatların uydurma olduğu üzə çıxıb.

"Lionsgate" kino şirkəti treyleri tez bir zamanda yayımdan çıxarıb.

Treylerdə Koppolanın əvvəlki işini tənqid edən tənqidçilərdən bir neçə fikir qeyd olunub.

Treylerdə "Roger Ebert"in "üslubun maddə üzərində qələbəsi" sitatından başqa sitatların əksəriyyətinin mənbəyi açıqlanmır. Bu sitat da, əslində, treylerdə deyildiyi kimi "Drakula" haqqında deyil, "Batman"ın 1989-cu ildəki versiyası haqqında yazılan resenziyadan götürülüb.

Keçən ay Koppolanın filmin çəkiliş meydançasında epizodik rollarda oynayan gənc qadınları öpməyə çalışdığı haqda xəbərlər yayılmışdı. İşçilər rejissorun çəkiliş zamanı qeyri-peşəkar davranışı haqqında ətraflı açıqlamalar veriblər.

Adam Drayver, Forest Viteyker, Nathali Emmanuel, Con Voyt, Lourens Fişburn, Obri Plaza, Şaya Labaf, Xloy faynman, Ketrin Hanter və Dastin Hoffmanın oynadığı "Meqalopolis" sentyabrın 27-də ABŞ-də nümayiş olunacaq.

Dünya premyerası Kann Film Festivalında olan 135 dəqiqəlik film dağıdıcı fəlakətdən sonra Nyu Yorku yenidən qurmaq istəyən bir memarın hekayəsindən bəhs edir.

Ülvi Bahadır

• Xalq artisti Arif Babayevin son vəziyyəti
• Maykl Manna Lümyer mükafatı veriləcək
• Mədəniyyət Nazirliyinin Rusiya ilə əməkdaşlığına dair saxta sənəd yayıldı