Azərbaycan Kinematoqrafçılar İttifaqı yeni layihə elan edib: “Öz filmini yarat!” qısametrajlı film laboratoriyası.

Kulis.az xəbər verir ki, layihənin əsas məqsədi yeni başlayan və inkişaf etmək istəyən rejissorlar, ssenaristlər və prodüserlər üçün nəzəri biliklərlə yanaşı, praktiki bacarıqlar da qazandırmaqdır.

AKİ-dən bildirilib ki, laboratoriyanın məqsədi iştirakçıların öz orijinal film ideyalarını inkişaf etdirmələri, onları peşəkar şəkildə sinopsis, tritment və ssenari mərhələlərinə gətirmələri, daha sonra isə çəkiliş prosesinə keçərək qısametrajlı filmlərini tamamlamalarıdır: "Təlim rejissor və prodüser, AKİ-nin katibi Oleq Səfərəliyev tərəfindən aparılacaq. Lakin iştirakçılar digər yerli mütəxəssislər tərəfindən də ustad dərsləri alacaqlar ki, bu da iştirakçılara yaradıcı sənayedə qəbul olunmuş müasir yanaşmalarla tanış olmaq imkanı yaradacaq. Hər bir iştirakçı mentor dəstəyilə öz layihəsini addım-addım inkişaf etdirib, laboratoriyanın sonunda filmini nümayiş üçün hazır vəziyyətə gətirəcək. Bu təlim yaradıcılıq prosesinə sistemli yanaşma təqdim edir və iştirakçılara öz film layihələrini sıfırdan peşəkar səviyyəyə qədər inkişaf etdirmək imkanı yaradır və həm yeni başlayanlar, həm də təcrübəsini gücləndirmək istəyən kino mütəxəssisləri üçün nəzərdə tutulub. Təlim prosesində iştirakçılar yaradıcılıq prosesini dərindən mənimsəmək üçün əlavə olaraq operator, kino rəssamı, kino bəstəkarı, prodüser və s. peşənin mütəxəssisləri ilə görüşəcəklər. Seçilmiş layihələr ekranlaşdırılıcaq".

Qeyd edək ki, layihəyə müraciət etmək istəyənlər dekabrın 1-dək AKİ-nin e-mail ünvanına ([email protected]) “Öz filmini yarat!” başlığı ilə müraciət edə bilərlər.

• “Oriondan sevgilərlə” filmi beynəlxalq festivalda nümayiş olunacaq
• Səni özüm sanaram - Nəbi Xəzri
• "Təslim olma, çətinliklərdən keçməyin yeganə yolu budur..." - Məşhur ingilis yazıçıdan aforizmlər