Bu günlərdə yazıçı Vaqif Sultanlının “İnsan dənizi” romanı yenidən nəşr olunub.
Kulis.az xəbər verir ki, süjet xəttində yer alan hadisə və əhvalatların iyirminci yüzilin səksəninci illərində cərəyan etdiyi əsərdə ölüm cəzasından qaçıb ucqar bir şəhərə sığınaraq gizli həyat sürən baş qəhrəmanın taleyi fonunda imperiya ideologiyasının cəmiyyətin mənəviyyatına yoluxdurduğu sosial-əxlaqi problemlərin bədii çözümünə çalışılır.
Romanda real və şərti-meraforik üslubun sintezi müəllifə dönəmin qaranlıq, açıq söylənilməsi mümkün olmayan həqiqətlərini aşkarlamağa imkan verir. Xüsusilə, romanda çağdaş dünyada insanlığı mənəvi tənəzzülə sürükləyən özgələşmə probleminin fərqli tərzdə canlandırılması əsərin ideya-estetik çəkisini artırır.
İlk dəfə 1991-ci ildə “Gənclik” nəşriyyatında Azərbaycan oxucularına təqdim olunan “İnsan dənizi” romanı sonralar müxtəlif vaxtlarda yenidən nəşr edilib. Həmçinin roman müxtəlif dillərə çevrilərək İngiltərə, ABŞ, Türkiyə, Almaniya, Misir, İran və başqa ölkələrdə nəşr olunub, haqqında xeyli araşdırmalar aparılıb.
Romanı Bakının kitab dükanlarından əldə etmək olar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər