“Hörümçək adam” "Titanik"i geridə qoydu

Media

Ana səhifə
Media

“Hörümçək adam” "Titanik"i geridə qoydu - Tarixi uğur

31 avqust 2026

15:30

"Spider-Man: Brand New Day" filmi kassada tarixi uğura imza atıb.

Kulis.az xəbər verir ki iyulun 31-də nümayiş olunmağa başlayan ekran işi artıq bütün zamanların ən çox gəlir gətirən dördüncü filmi olub.

Dünya üzrə 2,332 milyard dollar gəlir əldə edən son "Hörümçək-adam" macərası Ceyms Kameronun 1997-ci il istehsalı "Titanik" (2,264 milyard dollar) və 2025-ci il Çin animasiyası "Ne Zha 2" (2,270 milyard dollar) filmlərini geridə qoyub.

Rejissor Destin Daniel Krettonun ekranlaşdırdığı və Tom Hollandın baş rolunu canlandırdığı film, həmçinin 2 milyard dollar həddini ən sürətli keçən ikinci ekran işi kimi tarixə düşüb.

Ekran işinin tezliklə "Avatar: The Way of Water" filmini də geridə qoyaraq siyahının ilk üçlüyünə daxil olacağı gözlənilir.

Siyahıda hazırda birinci yeri "Avatar" (2,923 milyard dollar), ikinci yeri isə "Avengers: Endgame" (2,797 milyard dollar) tutur.