“Göz həkimi” tamaşası nümayiş etdirildi

“Göz həkimi” tamaşası nümayiş etdirildi
1 iyun 2023
# 11:00

Səhiyyə Nazirliyi, İctimai Səhiyyə və İslahatlar Mərkəzinin təşkilatçılığı ilə mayın 31-də Gənc Tamaşaçılar Teatrında akademik Zərifə Əliyevanın 100 illik yubileyinə həsr olunmuş "Göz həkimi" tamaşası nümayiş olunub.

Kulis.az-a teatrın mətbuat xidmətindən verilən məlumata görə, nümayişdən əvvəl Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əliyevanın həyat və fəaliyyətini əks etdirən foto-sərgi tədbir iştirakçıları – səhiyyə və tibb işçiləri, ictimaiyyət nümayəndələri tərəfindən rəğbətlə qarşılanıb.

Daha sonra Səhiyyə Nazirliyi İctimai Səhiyyə və İslahatlar Mərkəzinin (İSİM) direktoru Qəhrəman Haqverdiyev çıxış edərək akademik Zərifə Əliyevanın əzmkar və fədakar fəaliyyətini vurğulayıb:

“Zərifə xanım insanları traxoma adlı dəhşətli xəstəlikdən xilas etmək üçün ölkəmizdə göz xəstəliklərinin geniş yayıldığı rayonlara gedib, əhali arasında tibbi maarifləndirmə aparıb, bölgələrdə oftalmoloqlarla görüşüb, uğurlu müalicə metodları, profilaktika tədbirləri barədə çıxışlar edib və onun bu əzmkar mübarizəsi uğurla nəticələnib”.

Azərbaycan Milli Elmlər Akademiyasının vitse-prezidenti, akademik İradə Hüseynova Azərbaycanın görkəmli alimi Zərifə Əliyevanın elmdə yeni istiqamətlərdə apardığı tədqiqatlardan söz açıb, peşə oftalmologiyasının əsasını qoyduğunu və bu sahədə qiymətli araşdırmalar apardığını nəzərə çatdırıb.

Çıxışlarda həmçinin vurğulanıb ki, görkəmli alim, tibb elmləri doktoru, professor Zərifə xanım Əliyevanı xalqımız sadə və mehriban, savadlı göz həkimi kimi sevirdi. Təsadüfi deyil ki, ötən əsrdə nümayiş olunan “Göz həkimi” televiziya tamaşası, gözlərə işıq, insanlara həyat bəxş edən oftalmoloqların əzmkar fəaliyyəti izləyicilər tərəfindən böyük sevgiylə qarşılanıb.

Daha sonra Akademik, oftalmoloq Zərifə xanım Əliyevanın 100 illik yubileyi münasibətilə hazırlanan və yeni quruluşda ilk dəfə nümayiş olunan tamaşa nümayiş olunub.

Qeyd edək ki, səhnə əsərinin rejissoru Gülnar Hacıyeva, əsas rolların ifaçıları Gənc Tamaşaçılar Teatrının aktyorları – Əməkdar artistlər: Şəfəq Əliyevaz Elnur Bəhramxan, İlham Əsədov, aktyorlar Kərəm Hadızadə, Ədalət Əbdülsəməd, Mehriban Hüseynova, Səbinə Məmmədzadə, Zülfiyyə Alhüseynova, Elşən Şıxəliyev, Ramil Məmmədov, Zümrüd Quliyeva idi.

Azərbaycan səhiyyə və tibb işçilərinin fədakarlığından bəhs edən tamaşa alqışlarla qarşılanıb, iradəli, əzmkar, çətin əməliyyatların öhdəsindən uğurla gələn, xalqımızın sadə və mehriban göz həkimi Zərifə xanım Əliyevanın nurlu siması bir daha göz önündə canlanıb.

# 1510 dəfə oxunub

Oxşar xəbərlər

Niyə şeirdən nəsrə keçdim? - Aqşin Yenisey

Niyə şeirdən nəsrə keçdim? - Aqşin Yenisey

11:38 22 oktyabr 2024
“Türk dünyası gənc yazarlarının Lənkəran toplantısı” layihəsi həyata keçirilir

“Türk dünyası gənc yazarlarının Lənkəran toplantısı” layihəsi həyata keçirilir

11:21 22 oktyabr 2024
Amerikalı reper Didiyə qarşı 5 yeni iddia

Amerikalı reper Didiyə qarşı 5 yeni iddia

11:14 22 oktyabr 2024
“Mütaliə ruhu” adlı Respublika yaradıcılıq müsabiqəsi elan olundu

“Mütaliə ruhu” adlı Respublika yaradıcılıq müsabiqəsi elan olundu

10:30 22 oktyabr 2024
Britni Spirs yenə gəlinlik geyindi:  "Özümlə evləndim"

Britni Spirs yenə gəlinlik geyindi: "Özümlə evləndim"

10:18 22 oktyabr 2024
Bakıda Xalq Teatrları Festivalı keçirildi

Bakıda Xalq Teatrları Festivalı keçirildi

10:14 22 oktyabr 2024
# # #