22 may tarixində “İşarə dili” təlimçisi və sosial layihələr üzrə təşkilatçı Nuranə Abıyeva, rəssam Emiliya Axundova, modelyer-dizayner Nəzrin Nəcəfova və marketinq üzrə mütəxəssis Oksana Səlimovanın təşkilatçılığı və “Binəqədi Gənclər evi” “Binəqədi Rayon Gənclər və İdman İdarəsi” və “Tünzalə A. FAN Club”ın dəstəyi ilə Arte DiCafedə “1 fırça, 1000 rəng" adlı inklüziv sərgi təşkil edilib.
Kulis.az-ın verdiyi xəbərə görə, sərgidə müxtəlif fiziki məhdudiyyəti olan gənc və yeniyetmə rəssamlar Şəhla Nağıyeva, Lalə Həsənova, Əli İskəndərli, Nərmin Hümbətzadə, Şamxal Xələfli, Mehriban Tağıyeva və Ceyhun Ənvərzadənin əl işlərindən və əsərlərindən ibarət satış yarmarkası olub. Eyni zamanda verilən mövzuya əsasən elə sərgi daxilində canlı olaraq rəsm əsərləri çəkilib. Layihə çərçivəsində hər bir rəssamın yanında bu sahədə uğur qazanmış və əsərləri ilə seçilən rəssamlar da iştirak edib. Nəzrin Nəcəfova, Emiliya Axundova, Seyfəli Rüstəmzadə, Nəzrin Hacıyeva, Məryəm Məmmədova, İskəndər Məmmədov, Oksana Səlimova tədbir boyu gənc rəssamların yanında onlarla bərabər öz əsərlərini yaradıblar.
Daha sonra iştirakçılar çəkdikləri inklüziv məna daşıyan rəsm əsərlərini təqdim ediblər. Sərginin sonunda isə “Baku Electronics”in PR meneceri Nigar Mehdiyeva tərəfindən iştirakçılara hədiyyələr, “Binəqədi Gənclər evi” sosial xidmət müəssisəsinin direktoru Günel Həsənova və “Binəqədi Rayon Gənclər və İdman İdarəsi” rəisi Namiq Tarverdiyev tərəfdən isə iştirakçılara “Fəxri diplom”, qonaq və layihə köməkçisi olan rəssamlara isə “Təşəkkürnamə”lər təqdim edildi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər