Yanvarın 2-də dünyasını dəyişən Fərdi Tayfurun vəsiyyəti açıqlanıb.

Kulis.az xəbər verir ki, Şirin Gözalıcı əmisi Fərdi Tayfurun mallarının bir hissəsini Türkiyə Silahlı Qüvvələrinə, Darüşşafaka Vəqfinə və LÖSEV-ə bağışladığını açıqlayıb. Sənətçinin vəsiyyətində adı olmayan küsülü olduğu qızı Tuğçe Tayfur sosial media hesabında qardaşı Timur Turanbayburtla fotosunu paylaşıb və bu vəsiyyətlə bağlı etiraz edərək müvəkkil tələb edib.

Tuğçe Tayfurun açıqlamasını təqdim edirik :

"Yaşadıqca yanında olacağam, qardaş. Heç üzülmə. Böyrəyini atama verəndə yanında əlində böyüyən əmim oğlu Cumalı və bizlər vardıq, başqaları yox. Atamızı tanıyırıq, əgər vəsiyyəti olsaydı, bütün var-dövlətini qurumlara verərdi... Allah rəhmət eləsin, ancaq bunu unutma... Biz ölümündən 4 gün sonra, göz yaşımız hələ qurumamış yanımıza qaçaraq gəlib vərəsəlik şəhadətnaməsi tələb edəcəklərini gözləmirdik. Hamınıza ayıb olsun. Qurumları önə çıxarmaqla nə etdiyinizi gizlədə bilməzsiniz.

Daha heç nə deməyəcəyəm, amma bundan əl çəkməyəcəyəm! Sizi Türkiyə ədalətinə təslim edirəm, amma 1 il yox, 10 il müddətinə. İndi atamın adını çəkməyə belə cəsarət etməyin".

• İncəsənət xadimlərinə Prezident mükafatları verildi - Siyahı
• Unudulmamağın haqqını vermək - Nadir Yalçın
• Mətləb Muxtarovun filmi beynəlxalq mükafata layiq görüldü