Şair, Beynəlxalq “Alaş” Ədəbiyyat mükafatı laureatı Əkbər Qoşalının hekayəsi tatarca, şeirləri isə qırğızca tərtib olunan antologiyalarda çap olunub.
Kulis.az xəbər verir ki, şairin “İradə, mən ölürəm” hekayəsi Tatarıstan Yazıçılar Birliyinin rəhbəri, Xalq yazıçısı Rkail Zəydullanın layihə rəhbəri və “Ön söz” yazarı olduğu “Türk ocağı” antologiyasında yayımlanıb. Hekayəni tatar dilinə Əməkdar incəsənət xadimi Rifat Camal tərcümə edib.
Türk dünyasının fərqli ədəbi nəsillərinə məxsus şair və yazıçıların əsərləri toplanmış “Türk ocağı” antologiyası bu ilin mayında Kazanda yerləşən “Yazıçı” nəşriyyatında işıq üzü görüb.
Həmçinin “Könül səyahəti - Qırğızıstan” adlı Türk dünyası poeziya antologiyası isə qırğız dilində nəşr olunub.
Antologiyanın ideya müəllifi və tərtibçisi “Fəthiyə Ədəbiyyatçılar Qrupu”nun rəhbəri, tanınmış şair Coşğun Karabulutdur. Şeirləri qırğız dilinə istedadlı şair, Qırğız Milli Yazıçılar Birliyinin üzvü Kaliça Jakup çevirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər