Dünya tarixində ilk qızıl pul, təxminən, 2500 il əvvəl Lidiya kralı Krez tərəfindən zərb edilib.

Kulis.az-ın məlumatına görə, təmiz qızıl və saf gümüşdən istehsal edilən “Krez Stater” 10,7 qram ağırlığındadır.

Eramızdan əvvəl 560-546-cı illərdə Lidiyanı idarə edən Krezin böyük sərvəti var idi. Bu sərvət bugünkü Qərbi Egey dənizinə axan Sart çayında (Paktolos) faydalı qazıntı yataqlarının aşkarlanması nəticəsində əldə edilib. Ticarət və diplomatik əlaqələrini gücləndirən Krez Misir, Yunanıstan və Babillə iqtisadi əlaqələr qurub.

Krezdən əvvəl atası Alyattes ilk pulları e.ə. 650-ci ildə istehsal edib. Bu pullar təbii qızıl-gümüş ərintisindən istifadə edilərək hazırlanıb. Elektrolitdə qızıl və gümüşün nisbəti dəyişdiyi üçün pulların dəyəri də qeyri-müəyyən idi.

Krez tərəfindən hazırlanmış pul qısa müddətdə bütün dünyaya yayılıb və bir çox dövlət tərəfindən qəbul edilib. Krez e.ə. 546-cı ildə Sardisdə farslar tərəfindən mühasirəyə alınaraq taxtdan endirilib. Buna baxmayaraq, onun adı “Krez kimi varlı” ifadəsi ilə günümüzə qədər gəlib çatıb.

• Səni niyə belə sevdim? - Vaqif Bayatlı
• "Squid Game"in 3-cü mövsümü yayımlanacaq
• Trampın betonla savaşı, İsanın anası və yəhudilər - Ömər Xəyyam