3750 il əvvəl Mesopotamiyalı Nanni adlı şəxs bir tacirdən o qədər narazı qalıb ki, şikayətini gil lövhəyə həkk edib.
Kulis.az xəbər verir ki, bu gil lövhə tarixdə ən qədim müştəri şikayəti hesab olunur.
O zaman müştəri xidməti yox idi. Nanninin yeganə çıxış yolu şikayətini gil lövhəyə həkk edib, xəbərçilər vasitəsilə satıcı Ea-Nasirə göndərmək idi.
Şikayət mətni assirioloq Adolf Leo Oppenheim tərəfindən akkad dilindən tərcümə edilmiş və 1967-ci ildə nəşr olunan “Mesopotamiya məktubları” kitabına daxil edilmişdir.
Şikayət mətni belədir:
"Mis külçələr çox pis idi. Sən onları mənim elçimin qabağına qoyub dedin: "İstəyirsənsə, götür, istəmirsənsə, itil". Pulumu almaq üçün sizə elçilər göndərdim, amma siz onları dəfələrlə əliboş yola saldınız. Bundan sonra külçələri bir-bir seçəcəm".
İraqın Ur şəhərində aparılan arxeoloji qazıntılar zamanı tapılan bu lövhə Ea-Nasirin çoxsaylı şikayət məktublarından yalnız biridir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər