Bu gün məşhur fransız yazıçı, filosof, sosioloq və antropoloq Jorj Batayın doğum günüdür.

Kulis.az onun sitatlarını təqdim edir.

“İnanıram ki, həqiqətin yalnız bir üzü var: o da şiddətli ziddiyyətdir”.

***

“Azmaq, məhv olmaq ehtiyacı son dərəcə şəxsi, uzaq, ehtiraslı və çaxnaşmalı bir həqiqətdir”.

***

“Öpüş kannibalizmin başlanğıcıdır”.

***

“Layiqli olmadığımı bilsən də, məni sevməyini istəyirəm; hətta iyrənc olduğumu bilə-bilə sevməyini”.

***

“İçimizdə üsyandan daha vacib və güclü heç nə yoxdur”.

***

“Gözəllik özünə görə yox, sırf onu təhqir etməyin bəxş etdiyi həzz üçün arzulanan bir şeydir”.

***

“Həddindən artıq cazibədarlıq dəhşətin tam sərhədindədir”.

***

“İnanılmaz dərəcədə gərgin bir hal, sözlə ifadə edilməyən təşviş: bu qədər aşiq olmaq xəstə olmaq deməkdir və mən xəstə olmağı sevirəm”.

***

“Bu dünyada yalnız iki dəqiq həqiqətimiz var: hər şey olmadığımız və öləcəyimiz”.

***

“İntellektual ümidsizlik nə zəifliklə, nə də xəyallarla nəticələnir; o, zorakılıqla bitir. Məsələ sadəcə qəzəbi necə büruzə verməyi bilməkdir: ya dəlilər kimi həbsxanaların ətrafında dolaşmaq istəyirsən, ya də onları uçurub dağıtmaq”.

***

“Həqiqətən də, gələcəyin istiqaməti yalnız bizdən yayınmaq üçün var”.

***

“Aydındır ki, dünya xalis parodiyadır; görünən hər şey başqa bir şeyin təqlididir”.

***

“Səmanı və rəsmləri oxumaq, ulduzlu fonların və ya çəkilmiş kətanların arxasına keçmək, çəpərdə yarıq tapmağa çalışan uşaqlar kimi dünyanın çatlarından boylanmaq istəyirik”.

***

“Bayquş ay işığında yaralıların fəryad etdiyi tarlanın üzərindən uçur. Bayquş kimi mən də gecələr öz bədbəxtliyimin üzərində uçuram”.

***

“Yaralı insanın başqa bir yaraya duyduğu ehtiyacdan daha böyük arzu yoxdur”.

***

“Döyüşçünün alicənablığı fahişənin təbəssümü kimidir, onun həqiqəti şəxsi mənfəətdən ibarətdir”.

• "Sözlərə bürünəcəyəm ala-bəzək otlar kimi..." - Alfred Tennison
• “Pullu komediya” tamaşasının premyerası olacaq
• Dövlət Xidməti Xətainin heykəlinin lövhə hissəsindəki yazı ilə bağlı məsələni araşdırır