Sankt-Peterburqda MDB ölkələrinin iştirakı ilə Lendoc Film Festivalı (LEFF) açılır.
Kulis.az xəbər verir ki, avqustun 21-dən 24-nə kimi Sankt-Peterburqda “Lendok” Açıq Kinostudiyasının 90 illik yubileyinə həsr olunmuş genişmiqyaslı tədbirlər keçiriləcək. Təşkilatçılar təkcə Rusiyadan deyil, həm də qonşu ölkələrdən olan tərəfdaşları və paytaxtın qonaqları üçün işgüzar, mədəni və əyləncə proqramı hazırlayıblar.
Bu günlərdə Rusiya və MDB ölkələrinin III Beynəlxalq Bədii və Sənədli Filmləri Film Festivalı Lendoc Film Festivalı (LEFF), həmçinin Rusiya və MDB ölkələrinin birgə istehsalı üzrə Beynəlxalq Konfrans keçiriləcək.
Festivalda Azərbaycandan Rasim Ocaqovun "İstintaq" filmi də nümayiş olunacaq. Filmdə Aleksandr Kalyagin, Həsən Məmmədov, Şəfiqə Məmmədova, Rasim Balayev, Yevgeni Lebedev, Tofiq Mirzəyev, Həsən Turabov rol alıblar.
Qeyd edək ki, festivalın “Onlayn platformalar üçün oyun serialları” kateqoriyası üzrə qiymətləndirmənin üzvlərindən biri də “Azərbaycanfilm” kinostudiyasının direktoru Nazim Hüseynovdur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər